انا علي طول حاسه بحزن و ان اللي حواليا مبيحبونيش رغم ان زوجي (انا متزوجه من 4 شهور) بيحبني بس انا بحس انه مش بيحبني كفايه و انه اكيد اللي كان بيحبها قبلي كان حاببها اكتر مني و دايما مهما كنت مبسوطه معاه ببقي حزينه من جوايا و حاسه اني عايزه اعيط
كتير اوي لما بدخل انام بالليل بعيط و انا بنام و ده بيحصلي من قبل الزواج
دايما ثقتي بنفسي مهزوزه رغم اني المفروض جميله بس كتير اشوف نفسي في المرايه اني مش حلوه خالص و اشوف ان اي حد حواليا احلي مني حتي في الافعال و الشخصيات..دايما شايفه نفسي مش شخصيه تتحب و اني مبعرفش اتكلم و ان محدش فاهم اللي جوايا و الالم اللي بحس بيه انا قلبي بيوجعني اويييييييييي من كتر ما انا بكون زعلانه و لما حد يزعلني بيصعب عليا نفسي اوي و مبعرفش ارد ممكن افلط و خلاص لكن مبعرفش اتكلم بعقل و علي طول اعيط…يعني ممكن نتخانق انا و زوجي هو ينام و انا افضل اعيط لحد ما قلبي يوجعني و ابقي خلاص بتمني الموت و بدعي علي نفسي كتيييييير اني اموت
الايام دي بقي حاسه اني ندمانه اني خدت خطوه الزواج و اني خايفه من نفسي اوي و انا اصلا اتجوزت و كان فاضلي نص تيرم و اتخرج بس للاسف انا متزوجه قبل امتحاناتي علي طول فسقطت و عدت السنه بس محدش يقولي ده السبب لاني اصلا كده من قبل الزواج
انا كنت مرتبطه قبل ما اتجوز و اتهنت كتييير و ده خلاني معنديش قدرهاستحمل اي حاجه…جوزي بيقولي انتي بتاخدي كل حاجه علي نفسك اوييي و بتكبريها
بس انا فعلا مبستحملش حد ييجي علي مشاعري بجد تعبانه و محتاجاكو اللي يقدر بقولي اعمل اي
انا بنفكر اروح لدكتور نفسي
depressed depressed فتكات نشيطة Fatakat 210545 القاهره – مصر