بسم الله الرحمن الرحيم
ازيكم يا قمرات
انا بإذن الله هبدأ بكرة رجيم القاسي الجميل و دا نظام من اللقيمات يهدف لانقاص الوزن من البطن و الارداف
مدته اسبوعين
وبعد كدا بنكمل لقيمات عادية
هكتبلكم الاتنين الوقتي
و عايزة معايا اربع بنات بس
بس بالله عليكم يكونوا ملتزمات و عندهم عزيمة
هتابعهم و نتابع بعض
بالله عليكم اللي هتشترك تبقي قد كلمتها و هنعتبره عهد عشان اللي هتنسحب بجد هتبقي بتثبط مننا
اللقيمات نظام سهل جدا مجرد انك بتتعودي علي اول اسبوعين او عشر ايام بتلاقيكي غصب عنك ماشيه عليه لانه بيعتمد علي تغيير حجم المعدة
وبجد الكيلو اللي بنتزليه بيبقي كيلو دهون مش زي الرجيمات التانية بنتزلي اتنين و تلاته كيلوا في الاسبوع بيبقي اغلبهم مية و معادن
و الكيلو اللي بتنزليه بيبان جامد في اللبس
بصي كدا
دا وزن 5 باوند بما يقارب 2.26 كيلو
شوفي قصاده قد ايه عضلات !!!
شوفتي الفرق بين انك تخسي دهون او تخسي عضلات و مية
طب بصي كدا برده
و دي مايقابها بالكيلو
5 باوند= 2.26 كيلو
10 باوند= 4.5 كيلو
15 باوند= 6.8 كيلو
20 باوند= 9كيلو
طيب تخيلي انتي بقي لو خسيتي 5 كيلو دهون هيفرقوا معاكي قد ايه
في اللقيمات الوزن المثالي انك تخسيه كل اسبوع هو من كيلو لكيلو وربع
بس المحرك الاساسي هو الاختلاف في الحجم
يعني انك تقدري تلبسي حاجات كنتي بتلبسيها ووزنك ااقل مثلا 10 كيلو بينما اللي انتي خسيتيه لايتعدي ال5 كيلو
انا جربته و فعلا خسيت و مابنش علي وشي انه مرهق خالص
اللي هتبدأ معايا تقول و تعاهدني امام الله و امامكن الالتزام و الا فلا .. معلش احنا اصلا ملصمين نفسنا بالعافية فيا اما نشد بعض للاحسن يا اما بلاش بالله عليكي تثبطينا
نظام التقارير هتبقي كل يوم الساعه 10 هتكتبي تقريرك و انا هقيمه
اللقيمات في القاسي الجميل كل من 3-4 ساعات
في اللقيمات العادي اللي هنبدا بعد اسبوعين ان شاء الله بتبقي كل 3 ساعات
قبل كل لقيمه كوبايتين ميه
انا الصبح باخد قبل اول لقيمه كوباية اعشاب و كوباية مية بعسل ابيض سنه النبي عليه الصلاة و السلام
المشاركة الجاية هكتب القاسي الجميل واللقيمات
المشي كل يوم نص ساعه علي الاقل
المية مهمه جدا و هنتحاسب عليها في التقرير
اللي هتتغيب عن كتابه التقرير يومين متتالين بدون عذر … هيبقي دا بمثابة اعتذار منها عن انها تكمل معانا
-انت شديد اوي مع الموظفين بتوعك –
معلش بس لازم عشان نلتزم
هتوزني نفسك و تطلعي حاجة قديمة عندك كنتي بتحبي جسمك بيها ضاقت عليكي اوي عشان يبقي دا المقياس ليكي انا مش بيهمني الوزن اوي و ان كنتوا هتتحاسبوا عليه كل اسبوع برده يوم السبت
ها مين معايا
بسم الله
Diwan Diwan 654634_1.gif فتكات هايلة Fatakat 654634 المنصورة – مصر