بسم الله الرحمن الرحيم
ازيكو يافتاتيك وحشتوني قوووي
[COLOR="rgb(255, 0, 255)"]بقالي كتير مش بنزل مواضيع غير اني اسال ع حاجات لجهازي بس معلش سامحوني[/color]
[COLOR="rgb(255, 0, 255)"]بصو بقي انهارده جبتلكو تجربتي انا شخصيا مع وصفه عرفتها[/color]
بعد ماصرفت فلوس بالعبيط علي الادويه والبخاخات لعلاج الجيوب الانفيه لاني كنت بموت من كتر الصداع والتعب ومناخيري اللي عامله زي الحنفيه اللي مالهاش جلده
لدرجه ان احيانا مناخيري كانت بتنزف من شده التهاب الجيوب الانفيه وكان الصداع بيخليني مش شايفه قدامي خالص
لحد ماواحده زميلتي فالشغل ربنا يكرمها ويجازيها خير عني وعن كل حد هيجرب الوصفه دي
قالتلي عليكي وعلي العسل
بصراحه انا كنت مستعده اجرب اي حاجه ماانا كنت خلاص وصلت لدرجه وحشه قوي من التعب
اول ماروحت البيت جريت ع برطمان العسل واخدت معلقه صغيره ومليت نصها عسل
وعملت الوصفه وفعلا تاني يوم كانت النتيجه النهائيه
مش قادره اقولكو مدي الراحه اللي ارتاحتها
والله كل ماافتكر ادعيلها ربنا يجازيها خير يارب ويجعله فميزان حسناتها
تعالو بقي اقولكو الوصفه
سهله جدا يادوب نقطتين عسل هتحطي فكل فتحه من مناخيرك نقطه
اظن مافيش اسهل من كده
تعالو بقي ع الملحوظه المهمه
بصي يافتوكه منك ليها وجع ساعه ولا كل ساعه
ده طبعا تمهيد لان الملحوظه صعبه حبتين
بعد ماهتحطي العسل هتقعدي لمده عشر دقايق حاسه بوجع رهيب ونااااااار طالعه من ودانك وتنميل فوشك كده وهتبقي نفسك تقومي تخبطي دماغك فالحيط
انا عن نفسي ماتعبتش قوي بس في صحباتي جربوها والحمد لله خفوا تماما بس بيقولو فالعشر دقايق دول تعبو لدرجه انهم مش كانو قادرين يتحكمو فنفسهم وسوري يعني ريلو من بقهم
كل ده عادي لما اتعب 10 دقايق مقايل اني افضل كويسه 3 شهور ع الاقل فدي حاجه كويسه جدا[
تعالو بقي نقول السر
السر ياستي ان سبحان الله زي ماسيدنا وحبيبنا وشفيعنا قال عليه افضل الصلاه واتم التسليم
ان العسل فيه شفاء للناس وفيه شفاء من كل داء فسبحان الله بخصوص موضوع الجيوب الانفيه ده وبالاخص وضع العسل بالانف ده مش بس بيشفي من الجيوب الانفيه ده كمان بيخلصك من الصداع ووجع الاسنان وبيشفط كل الميكروبات اللي موجوده فالدماغ
يعني سبحانك يارب كأنك بنقطه عسل طهرتي راسك ودماغك كلها
انا قلتلكو وصفتي يابنات وانا الحمد لله لحد دلوقتي عملتها مره واحده بس في ناس ممكن تحتاج تعملها يومين ورا بعض
والحمد لله بقالي شهرين اهه مفيش اي مشاكل وبخرج فعز الهوا الساقع الصبح للشغل والحمد لله زي الفل
طبعا مش هقولكو تقيمو والكلام ده انتو شطار وهتعملو كده لوحدكو
انا بس هطلب منكو تدعولي ربنا ييسر جوازي ومايتأجلش للمره الرابعه وتدعو لصاحبه الوصفه زميلتي ربنا يخليلها ابنها ويهديلها حياتها
اه نسيت اقولكو ان العسل المقصود فالوصفه هو عسل النحل الطبيعي
عسل النحل اللي بجد مش المياه بسكر اللي بنشتريها من السوبر ماركت يعني سيبكو من امتنان وفلان وعلان ودوروا علي منحل كويس تكونو متاكدين انه بيغذي النحل تغذيه طبيعيه مش بيغذيهم محلول سكري عشان تستفيدو فعلا
واي سؤال بخصوص اي حاجه عن العسل او منتجات النحل عموما انا تحت امركو انا اصلا كان تخصصي الفرعي فالكليه نحل العسل ومنتجاته
sasoooo loma sasoooo loma 1052825_2.gif فتكات هايلة Fatakat 1052825 الهرم – مصر