السلام عليكم يا فتوكات عاملين ايه يارب تكونوا بخير ويزيح الغمه عن بلدنا
المهم ندخل في الموضوع بصوا انا من الناس اللي بقالي يجي 5 سنين بعمل دايت وابطل واللي بخسه بزيده وطبعا كنت زهقت بقي خلاص انا وزني مش اوفر اوى وده اللي بيخليني ادايق اكتر بقول انا بس عايزه 15 كيلو ومش عارفه اخس فنويت والنيه لله اني اخس المرادي ولوحدي من غير دكتور ولا ادويه ربنا يثبتني ياااااااارب المهم انا هقولكم عملت ايه انا لحد دلوقتي خسيت 3 كيلو ازاي بقي والله ما حسيت اني عامله ديت هقولكم انواع اكلات ما تزهقش من الرجيم
بصي بالنسبه للفراخ اولا شيلي كل جلدها و بدل ما تكليها مسلوقه كده ممكن تتبليها اوي وبعدين تسلقيها في التتبيله بتعتها يعني مثلا :
تحطي في الخلاط بصل وطماطم وحبهان وتوابل وكوب ماء وتضربيهم وتحطيهم علي الفراخ وبعدين سبيهم سعتين وحطي كل الحوارات ديه في حله علي الار بتبقي تحفط ولايت خالص
وطريقه تانيه ممكن تتبل الفراخ وتسويها علي البتحاز وسبيها تبرد حبه وادهنيها بشويه صلصه بسيطه عليها شطه من الجاهزه اللي في ازايز وبعدين تعمليها بانيه ورشي زيت بسييييييط ودخليها الفرن بتبقي وااااااااااااااو ومقرمشه ولا هتحسي بالديت
الناجتس الجاهزه ادهني وشها برشه زيت وهاتي صنيه حطي فيها فويل ورصيها وفي الفرن والله والله بتبقي جامده
البرجر كمان اعمليه بنس الطريقه بيبقي احلي من المقلي واطري
بالنسبه للرز جربي كده الرز البسمتي مسلوق بيبقي مفرف وجميل جدا
السمك بقي لو مش بتحبيه مشوي زي حلاتي انا بتبله تتبيله المقلي واحشيه جزر وفلفل وثوم ولمون واحطه تحت الشوايه شويه وبعدين اشغله الفرن
او ممكن تعمليه في الصنيه بالصلصه
اهم حاجه بقي في الرجيم ايييييييييييييه (السلطــــــــــــــــــــــــــــــــــــــــــــ ــــــــــــــــــــــه)
والله ما كنت بخبها وبقيت بموت فيها دلعي السلطه بصي حطي الخضار اللي تحبيه الفكره بقي في الدرسنج انا بحطلها (ثوم وكاتشب بسيط وزيت زتون وحبه شطه اللي في الازازه ولو عندك صويا صوص وممكن تحطي زبادي الفي عادي المهم تظبط معاكي وكلي منها زي ما انت عايزه
اهم حاجه صفي النيه لله وانزي وقولي انا هخس المرادي وحبي الاكل اللي هيخليكي مزه صدقيني مش هتحسي بالقهر من الرجيم وكمان نسيت اقولكم كتروا من شرب الشاي الاخضر بس يفضل من غير سكر او بدايت او فركتوز
يلا مين هتبدا معايا حمله انا هبقي مزه ونشجع بعض مستنيه ردودكم
بالله عليكم لو عجبكم موضوغي ادعولي اخس مواضيع هذا القسم برعاية
white rose white rose images/avatars/maple_leaf.gif شيف فتكات Fatakat 46965 في بتنا – مصر