السلام عليكم و رحمه الله و بركاته
اخواتي الفتوكات ارجو المساعده و اللي عندها تجربه شبه تجربتي او تعرف معلومات تفيدني يا ريت تقولهالي
انا حامل في الشهر الثالث و الحمد لله و منذ نهايه الشهر الثاني و انا اعاني من نزيف
جالي نزيف في نهايه الشهر الثاني دم احمر سائل موقفش غير بحقن التثبيت برونتوجيست و روحت عملت سونار اتطمن ع البيبي و الحمد لله
سمعني نبضه و قاي انه عايش و كويس بفضل الله تعالي لكن حصل انفصال جزئي في المشيمه سبب لي نزيف و ده محتاج راحه تانه في السرير
عشانالجزء المنفصل من المشيمه ترجع تلتحم تاني بجدار الرحم و التزم بالمثبتات الحقن مرتين بالاسبوع و مثبت دوفاستون 3 مرات يوميا
و الفوليك الاسد و الفيتامينات اللي الدكتور كاتبهالي و التزم بالراحه التامه ف السرير المهم عدي 10 ايام و الامور مستقره مفيش دم نزل و لا حاجه
و بعدها نزل دم متجلط لونه بني حتت صغيره كدا كميه قليله و اتصلت بالدكتور قالي ازود جرعه الحقن اربع مرات ف الاسبوع اللي حصل فيه كدا
و بدا يقل و يبقي افرازات بنيه و شعيرات دمويه صغيره قليله لحد ما امبارح منزلش حاجه خالص و صحيت النهارده الصبح لقيت قطرات دم بني
اتصلت بالدكتور قالي خدي حقنه و ارتاحي في السرير متقوميش خااااالص و متقلقيش احنا عملنا سونار قريب و اتطمنا ع البيبي فمتقلقيش
بس الدكتور مش بيشرحلي حاجه او يفهمني ايه اللي بيحصل ده اسبابه ايه و يعني ايه انفصال ف المشيمه يعني
و هل كدا ممكن الغذا ميوصلش للبيبي لا قدر الله و لا ايه اللي بيحصل جوا بالضبط
و هل المشيمه بتلتلأم تاني بسهوله و لا ممكن لاء لا قدر الله هو بيقولي التعليمات و سيبيها علي الله و التزمي و متقلقيش
لاكن انا جوايا مخاوف كتير و عاوزه افهم و علي طول عندي الالام في بطني و ضهري و دوخه و هبوط و صداع و الحمد لله
و بصراحه جربت 4 دكاتره قبله و مرتحتش غير معاه
لانه دكتور ممتاز جداااا في مستشفي الانجلو امريكان و الناس بتشكر فيه بشكل مش طبيعي
و انا كمان مرتحاله بس عاوزه افهم و حد يجاوبني علي المخاوف اللي بتدور في ذهني انا القلق مبيسيبنيش و نفسيتي تعبانه
و بالله عليكوا اللي تشوف موضوعي متنسنيش في الدعاء بظاهر الغيب
ربنا يرزقنا جميعا الذريه الصالحه المعافاه اللهم اميييين .
smsm.mshmsh smsm.mshmsh فتكات متميزة Fatakat 1017661 القاهره – مصر