انا جيت النهارده علشان انا كنت بعمل دايت وبطلت من حوالى شهر
بعد خساره 10 كيلو من وزنى كنت 83 بقيت 73 وثبت
عاوزه اكمل نزول فى الوزن انا عملت جروبات قبل كده بس كنت بكسل من عدم المواظبه فى كتابه اليوميات
وكمان عدم الالتزام بالدايت اللى كان دايما بيحبطنى ويقلل عزيمتى
بس انا ناويت ان شاء الله عدم الاستسلام
ففكرت انى ارجع تانى لدايت النقاط واللى نزلت عليه جامد وفكره الدايت ده انك بتاكلى كل حاجه وتخسى
لان كل حاجه بناكلها فيها عدد سعرات احنا بنحوله لنقط يعنى 50 سعر حرارى = نقطه
مثلا اكلتى فى الفطار بيضه ومعلقه جبن قريش ورغيف سن وشاى بربع لبن خالى الدسم
هيبقى كالاتى بيضه = 2 ومعلقه الجبن القريش = 1 ورغيف السن =5 والشاى بربع لبن =1
المجموع =9 وممكن التقليل وحاولى مايزيدش يومك عن 22 نقطه اى ما يعادل 1100 سعر فى اليوم
وده المرجع الخاص بالنقاط (للدكتوره بتاعتى اللى بعتز بيها نرمين ام على ) https://fatakat.univanet.com/#2453609
طبعا انا بعتبرها دكتورتى اللى دايما بتفيدنى بوجباتها ومعلومتها عن الدايت والمرجع ده هى شارحه فيه كل حاجه من الاكل ازاى تتحول لنقاط انقلى منه اكلك اليومى وحوليه لنقط عشان التقرير وتستفادى كمان منه فى تظبيط يومك
هتلاقى نفسك مش محرومه من حاجه وفى نفس الوقت وزنك بينزل
ها نقول بسم الله توكلنا على المولى والله المستعان
كل واحده هتكتب يومياتها انا هحسبلها لغايه ماتتعودو على تحويل اليوم نقط وطبعا مش تنسو المايه انتى وهيه
على الاقل 12 كوبايه فى اليوم ومع التعود لوحدكم هتزودو
ملحوظه مهمه جدا جدا ( اللى مش هتقدر تلتزم وتواظب بلاش تتعب نفسها وتنضم لينا لانى بصراحه عاوزه اللى يقوينى مش يقلل عزيمتى من غير زعل يا بنات انا عاوزه اراده من حدييييييييد وربنا يعينا )
lola tooth lola tooth 631167_12.gif فتكات رائعة Fatakat 631167 القاهره – مصر