ياصباح الفل على عيونكم
مين بقى تعرف او سمعت او جربت سلطة البتنجان
السلطه دى بقى مع اكله خفيفه كده تقضية يوم يعنى ويكون بقى لا فيه فراخ ولا لحمة والحياه قحط هههههه
ممكن تعملوها وهتحبوها
اقولكم الطريقه ولا تدفعو الاول
طيب انا هعمل فيكو خير على الصبح مقابل دعوتين حلوين ان ربنا يفرجها عليا وييسرلى امرى والى مش هتدعيلى هقيم عليها الحد واخليها تغسلى الاطباق بتاعت النهارده انتو سامعييييييييييين
نقول بقى مع بعض
نعد كام فرد عندنا فى البيت هياكل معاانا كده
عديتو
نجيب بقى بتنجنايه او اتنين على حسب الافراد الى هيكلو لو كتير يبقى اتنين بتنجان رومى كده مقلبظ شويه ولو عدد قليل كفايه قلبوظه واحده بس
ونحطها فى فرن البتوجاز زى ماهيا تتشوى بقى نسيبها لحد مانحس ان الجلد بتاعها نشف واستوت من جوا جامد
وبعدين على ما تستوى نكون قطعنا طماطم زى الصلطه كده قطع صغيره وبصله صغيره اوى قطع صغيره وحوالى 4 او 5 فصوص توم قطع صغيره برضو انتو سامعين انا بقولكو اهه
وبعدين نطلع التنجنايه المقلبظه بعد ما اتشوت نقشر الجلد من عليها ونقطعها مكعبات صغير كده ونجيب صينيه ونحط فيها شوية زيت ونشوح البصل والتوم والطماطم شوية ضغنتتين كده وبعدين نحط التنجان المقطع عليها ونحط التوابل بقى فلفل اسود وملح وكموووون شويه كده حلوين لانو بيديها طعم حلو ونحطهم فى الفرن لمده ربع ساعه كده مع المتابع يعنى ممكن نولع الفرن من تحت لمده 10 دقايق ولا حاجه وبعدين نبقى نولع الشوايه من فوق لمده 5 دقايق او 7 دقايق لحد ماتحسو ان الوش كده بقى محمر شويه او متحمص شويه
وبعدين نطلع بقى يامعلمين من الفرن وبالهنا والشفتيشى وادعولى هااهها ها ها وقد ازور من فزور انتو سامعين مواضيع هذا القسم برعاية
dodogoo dodogoo فتكات هايلة Fatakat 615190 اكتوبر – مصر