ازيكم يا فتوكات عاملين ايه
اخبار الفتوكات اللي بترضع ايه ياتري بتعملوا ريجيم ولا سايبانها كده وخلاص
انا بقي قررت من يومين اني مش هسكت علي نفسي كده خلاص مع اني عندي جميع الوسايل اللي تخليني اخس
اولا جوزي مانع اي حاجه حلوه او اي مسليات في البيت مش بيشتري اي حاجه عشاني
ثانيا عندي عجله ممكن العب عليها يوميا
جيت بقي من يومين بالظبط قولت لازم اعمل الخطه الثلاثيه ايه هي بقي :-
1- نظام غذائي
2- المشروب الحارق السعرات
3- الرياضه
النظام الغذائي ده كنت اخدته من دكتوري اللي كنت بخس عنده قبل فرحي ورحتله بعد الولاده بكام شهر واداني النظام ده وهو عباره عن :-
الافطار ( ثابت طول الاسبوع ) فول بدون زيت + بيض مسلوق + عيش سن
الغدا سمك مشوي او لحمه مشويه او فراخ مشويه او تونه بدون زيت او كبدة مشويه او شوربه خضار او شوربه عدس اي حاجه من البدائل دي + عيش سن + سلطه
العشاء جبنه بيضا + عيش سن + سلطه
طبعا هو اداني الريجيم ده لاني قولتله اني بجوع اوي وبصراحه مشيت عليه مره وخسيت في الاسبوع 2 كيلو وطبعا مفيش اي رياضه وكنت بشبع جدااااااااااااا
طبعا شرب الميه كتيييييييييييييييييييييييييير وممكن سوايل بسكر دايت اسمه سويتال دا علي فكره خالي من الاسبرتام ودي ماده مضره جدا واكتشفت ان الاسبرتام ده موجود في تانج وفروتي فبلاش منها العصاير دي
وفي نوع سكر تاني برضه اسمه نوكال بس اما جربته لاقيت طعمه زي الدوا كده وخصوصا في الشاي
ندخل بقي علي المشروب وطبعا كلنا عارفينه جنزبيل+ قرفه + كمون + شرايح لمون انا جربته بقالي يومين حاسه بجد ان بطني خفت شويه وخاصه اني والده قيصيري فبطني شكلها عجيب
تالت حاجه بقي الرياضه انا نزلت كام تمرين كده وبعملهم بس ازاي بقي الاول بحط خلطه زيوت وبرضه جبتها من موضوع هنا في المنتدي وربنا يكرمها صاحبه الموضوع وهي عباره عن زيت زيتون + زيت جنزبيل + زيت قرنفل + زيت نعناع وطبعا ريحتها جميله جداااااااااااااااااا انا هسمي نفسي نعناعه من ريحتها ومش قادره اقولكوا بتنعم الجسم اوي بجد حاسه بفرق انا بحط الخلطه دي وبعدين اعمل بجهاز ريلاكس اند تون اشتريته من عضوه معانا هنا في المنتدي ربنا يكرمها وجبت منها برضه حزام للبطن
ونزلت النهارده اشتريت شورت تخسيس بـ 75 جنيه عشان اشتغل شويه علي الارداف لاني عريضه من تحت
وبس دي الخطه الثلاثيه وبكره ان شاء الله هلتزم بيها بحذافيرها وادعولي بقي اوصل للوزن اللي انا عاوزاه وخاصه اني هنزل الشغل بعد شهر ومتنسوش التقييم عشان الفتوكات يستفادوا
rakya rakya 302355_2.gif فتكات هايلة Fatakat 302355 damitta – egypt