بسم الله الرحمن الرحيم
اخواتى الفتوكات الحبيبات …يا تري بتحبو الفسيخ اوي زى حالاتى
اظن مفيش ست مبتحبش الفسيخ جايبللكو وصفه هايله انا بعمله كتييييييير
بالطريقه دى ان شاءالله تعجبكو……….
اول خطوه ..
تجيبى السمك البورى وتغسليه كويس وخاصة الخياشيم وتسيبيه يتصفى 3ساعات .
تانى خطوه..
تجيبى قماش يشرب الميه وتلفي كل سمكه لوحدها وتسيبيه للصبح
تالت خطوه..
تسخنى الفرن وتطفيه وتحطى السمك وهوه ملفوف 2 دقيقه
وتطلعيه تانى وتعملى كده مرتين كمان لغاية ما تحسى ان مفيهوش ميه .
رابع خطوه ..
تجيبى الملح وتحشى خياشيم السمكه كويس بالملح وتلفيها بملح
وتكونى محضره كيس جامد ترصى فيه السمك وتقفليه كويس
وتحطى الكيس فى علبه محكمه وبعد 4 ايام تفتحى العلبه وتقلبي
الكيس وكل يومين تقلبى الكيس على جنب تانى لمدة اسبوعين
على الاقل وبالهنا والشفا .
ملحوظه .. لما تفتحى العلبه هتلاقى ريحته جامده ده عادى
مواضيع هذا القسم برعاية
منه3 منه3 79625_1.gif فتكات رائعة Fatakat 79625 الاسكندريه – مصر