مين الغلط

السلام عليكم
يافتوكات انا عايزه رايكم بكل صراحه
انا عندى 20 سنه متجوزه وعندى ولد وبدرس فى الجامعه لسه
المهم دلوقتى انا عصبيه جدا بس والله العظيم مش مع كل الناس او مش فى كل الاوقات يعنى لما حد بيعصبنى بس غير كده بكون هاديه جدا وفى حالى
انا صريحه جداااااا مش بعرف اجامل حد ولا اذوق كلامى ولا بعرف اتلون مع الناس
بيقولولى انى طيبه بس اسلوبى صعب
هما الناس بيحبوا اللى بخمسين وش واللى بينافقهم ويضحك فى وشهم وهو قلبه مليان سواد من ناحيتهم ولا ايه بالظبط
انا بجد كرهت نفسى وكرهت الناس
لما حد بيجى عليا مش بعرف ادافع عن نفسى كل اللى بعمله انى بفضل ازعق وبعدين اعيط وفى الاخر بطلع غلطانه عشان بفع صوتى
انا مش عارفه اخلى اللى حواليا يفهمونى بجد مش عارفه اعمل ايه
انافق الناس واتلون معاهم ولا افضل زى ماانا ولا اعمل ايه
ايه الصح بالظبط
واتحكم ازاى فى اعصابى
بالله عليكم تعرفونى ايه الصح وايه الغلط

طالبه رضاك وسترك يارب* طالبه رضاك وسترك يارب* 621804_3.gif فتكات هايلة Fatakat 621804 القاهره – مصر

سبحان الله و بحمده