بسم الله الرحمن الرحيم
السلام عليكم ورحمة اله وبركاته
أنا مش عندي حاجة خالص للجهاز وبابا كان دايما يقول لا استنوا وقتها نجيب مرة واحدة
( للعلم انا مخطوبة ) المهم بقى يوم خطوبتى جالى هدايا كتير فتحت نفسي انى أبدأ أجيب
وكنت مع واحدة قريبتى بتشترى حاجات قولت وانا كمان عاوزة اجيب
هههههههههههه ( بنات بقى ) لازم نشبط هنقول إيه..!!
المهم بنت خالتى المتجوزة الحامل ربنا يقومها بالسلامة قالتلى ع فكرة حلوة عجبتني
اللي هي ايه.. قالتلى بصي عشان تجيبي حاجتك تمام وما تنسيش حاجة وبرضه تجيبي حاجات حلوة
قسمي مشاوريك بمعنى ايه.. نخلى لكل حاجة مشوار . . إزاى..!!
( كاسات – كوبايات – اكسسوارات – طقم فناجين شاى و قهوة
– اطقم صينى و بيريكس و اكروبال ) و غيره
مشوار للمطبخ ( و دة حوسة لو حده )
( حلل الومنيوم – تيفال – صاج – استانلس – ضغط – بخار – مصافي ستانلس و بلاستيك – طقم خشاف – طقم شوربة – طقم شفشق بكوبايات – منخل – اطباق – كنك شاي و قهوة – لبانة او كسرونة – براد استالس و الومنيوم او الاصفر هاتى كبير وصغير – غلاية – كولمن – طاسات – كوبايات – ميلامين – طقم توابل – صواني تقديم – اطباق فاكهة – شيالة الكحك – بونبونيرة – سبت مشابك – تربو او عمود – شفاشق عصير – صوانى فرن – بلاستيكات – مقشة و مساحة و زعافة و شرشوبة و جاروف و منفضة و فرش تنضيف – مفرمة – شواية – غسالة اطباق – عصارة برتقال – مفرمة ثوم – مخرطة – مقشرة – قطاعة خشب وبلاستيك – شوك – معالق – سكاكين – مقاويير – مقصات – مقشرة – مبشرة – صبانة – روكنة للمطبخ و الحمام – ماكينة بيتى فور – ولاعة – قطاعة بيض – شياطة – حامل الحلل السخنة – فتاحة علب – ماسك – هراسة – مسن للسكاكين – اطباق بريوش للرز وغيره – قطاعة عجلة للبيتزا والحويات و غيره – شيالة – شنطة بعجل للسوق – مريلة مطبخ – جوانتى بلاستيك للتنظيف – سلة للمطبخ و الاوض والحمام – سبت غسيل – مطبقية بلاستيك و استانلس – بولة استانلس و بلاستيك – طقم جيلي – فورم للكيك والحلويات – وغيره )
( ملايات – بطاطين – كوفرتات – مفارش – فوط )
الملايات 6 سادة و 6 مشجر ولو عندك أوضة اطفال هاتي 6 أطفال
الكوفرتات هاتى 2 كفاية و البطاطين 2 برضه
المفارش هاتى واحد للفرح دة اساسي
و 2 كمان فى دلوقتى وش لحاف و وش بطانية زى مفرش سرير بيبقى شيك أوى
الفوط هاتي 6 كبير و 6 صغير و 6 فوط للمطبخ و 6 فوط شخصية و 2 بشكير و2 برنص
مشوار للبس ( داخى – لانجيرى – عبايات – خروج – بيتي )
اللانجيرى هاتي 12 قميص مشكلين طويل – قصير – بروب – بيبي دول – بدلة رقص
مش شرط تجيبي لانجيري غالى هاتي كتير ويكون معقول بدل ما تجيبي 3 – 4 غالي هيبقى ملل وكدة كدة كل فترة هتجيبي جديد وتغيري فيهم يعنى بدل ما تجيبي قميص ب 400 جنيه لا هاتي 4 احسن و هيكونوا حلوين برضه واهم حاجة غيرى الالوانات و الاستايلات
بيجامات وترينجات شتوي 6 أو أكتر " زي ما ظروفك تسمح " مع روب او 2 شتوى
بيجامات صيفى 12 مشكلة
( حمالات – كت – جابونيه – نص كم – ببنطون – ببرمودة – بشورت – حرير – ستانات – قطن )
بوديهات وبرمودات بقى ع كيفك و شورتات جينز و كام جيبه قصيرة للبيت و استرتشات
لبس بيتى اقطان فساتين وقمصان قطن او جلاليب كت قصيرة و بنص كم
جلاليب بيتى صيفى وشتوى بس حاولى ما تكتريش منهم " عشان ما تبقيش شبه الحاج عويضة "
شباشب بيتى 6 صيفى و 6 شتوى فرو و بلارينة قطن مبطنة وسابون شتوى
وهاتي لعريسك معاكي من ضمن ال12 يا مفترية
ما تستخسريش فيه شبشبين ولا حاجة و من ضمنهم برضه شبشبين للحمام
داخلى اندرات وبراهات كتري فيهم
و هاتي كام شورت طويل و قصير و كام طقم مايوه " براه استرتش و اندر "
عبايات استقبال ع قد ما امكانياتك تسمح بس مش اقل من 3 عبايات استقبال
عبايات خروج – او لبس خروج صيفى وشتوى
طرح و شنط و احذية طبعا ع قد امكانياتك وطريقة لبسك
مشوار للأجهزة
( غسالة – ثلاجة – بوتجاز – مكنسة – مكواه – فرن كهربا – غسالة أطباق –
رسيفر – شفاط – خلاط – كبة – كيتشن ماشين – تسجيل – مروحة –
تليفزيون – كشاف – دفاية – و غيره )
مشوار لإكسسوارات البيت
( تابلوهات – فازات – أبجورات – تحف – مبخرة – ورد – شمعدان – فضيات – جزامة و غيره )
مشوار للسجاد
( سجاد – موكيت – مشايات – دواسات الحمام و باب الشقة – و غيره )
ودة طبعا بيكون ف الآخر عشان تكوني عرفتى مقاسات الشقة
و هتحتاجي قد ايه وكمان الالوانات اللي هتليق
مشوار الستاير و المراتب
و دي بقى بترجع لاستايل بيتك و الوانات حاجتك
الاكسسوارات
لوازم الخياطة – امشاط – توك شعر – اكسسوارات – نضارة – تاتوه – كلبسات –
خلاخيل – سلاسل و حلقان – مبرد – قصافة – مقص – حجر القدم – فرش اسنان –
بندانات للشعر – لفافات كيرلى – مكواه – سيشوار – بيبي ليس و اى اكسسوارات للشعر
مستحضرات التجميل
ميكب – برفانات – بودي لوشن – بودة معطرة – غسول شخصي – مسك – مزيلات العرق –
شاور – شامبو – كريمات – غسول للبشرة – سكرب – ليفة استحمام – ماسكات –
وكل اللي تحبيه هاتيه زى جهاز بخار – و غيره
كدة خلصنا حاجتك يا سكر
نيجي بقى ل خزين البيت
المنظفات بانواعها مع ليف وفوط تنظيف ومساحيق الغسيل
الأكل
ودى بتبقى وظيفة مامتك لأنها أدرى باحتياجات البيت
لحوم – ارز – دقيق – بقوليات – خضروات – توابل – زيت – سمن – سكر –
شاى – مشروبات – البان – معلبات و غيره
و بكدة نكون ظبطنا شقتك يا فتوكة من الـ ( أ ) للـ ( ي ) مالكيش حجة
أحب أقول إن الموضوع تجميعي الشخصي ف ياريت الاقى تقييم لمجهودي
بس دة عشان خاطر عيونكم يا محتاسين ياللي زيي
" لا محتاسة مين دة انا شاطرة أهو " هههههههههههههه ربنا يسعدنا جميعا ..
و عاوزة اقول إن كل واحدة وليها ظروفها وامكانياتها يعني كل واحدة تجيب ع قد ما تقدر
بس ما تنساش الحاجات الاساسية اللى قولنا عليها
وربنا يجمع كل مخطوبة ع خطيبها ف الحلال و ع خير
وانا اولكم ههههههــههههههه . سلام يا حلوين
مشمشة كوكو مشمشة كوكو 365962_1.gif فتكات رائعة Fatakat 365962 مركز بدر – مصر