السلام عليكم ورحمه الله وبركاته والصلاة والسلام على خاتم الانبياء واشرف المرسلين سيدنا محمد عليه افضل الصلوات واتم التسليم انهاردة معايا سفرة هنفطر ايه فى شم النسيم بس الاول احب اشكر مدام سوسو ورواء جزاهم الله كل خير ع تعبهم معانا واحب اقول الف مبروك لكل الفائزات واللى اتشرفت انى اكون واحدة منهم بجدددددد مبدعيييين ماشاء الله لاقوة الابالله
الاصناف كانت
بيتــــــزا بالتونه
رنجه بصوص الزبدة والمايونيز ورنجه بصوص الليمون والفلفل الحراق والطماطم والشطه والكمون
كفته التونه
سردين بالطماطم والفلفل الاخضر
سلطه تونه بالمايونيز والزيتون
مع عصير الفرابتشيـنو بالدريم ويب ومبشور الشيكولاته
البيض الملون والبصل الاخضر والخس
والتسالى كانت ترمس وحمص النوعين وفستق وفول سودانى
احب انزل بالسفرة الاول اتفضلوا ياقمرات
وادى السفرة من زاويه تانيه
نبتدى بكفته التونه
عبارة عن علبه تونه بصله وسط قرن فلفل نص بططساسيه ملسوقه تلات اربع سلق بتخليها متماسكه واى خضرة متروكه لزوقك بيطحنوا مع بعض ماعدا التونه وم بهارات سمك
التونه تتفتفت بالشوكه زى كده بس
اهى بعد لما عجنتها ولفتها فى البقسماط وسبتها ف التلاجه ساعه تمسك
تتحمر فى زيت سخخخخخخخن وبعد لما تحطيها تقلبيها بطرف المعلقه بسرعه يدوب تدى لون وتشيلها لان لو قعدت كتير ف الزيت بتشقق خلى باللك
ادى كفته التونه اللى فعلا طعمها بروفشنال
نيجى للبيتزا المكونات
2 ونص كوبايه دقيق وكوبايه زبادى ااسفه نسيت اصورها ربع كوبايه زيت معلقه ص خميرة فوريه وم بودر و2 حليب بودره ولبن دافى على اد العجين
كوبايه الزبادى بتدي العجينه طراوة وبتخليها زى الاسفنج وناعمه جداااااااا هقولك معلومتين حلوين لو عايزة العجينه تطلع حلوة انا بنخل الدقيق مرتين كل مانخلتى الدقيق دخله هواء وخلاها ناااافشه جدا وخفيفه والخطوة التانيه بعد لما تحطى الزيت واللبن البودرة والزبادى والخمرتين ف الدقيق افتلى بايدك العجين لفوق وتانى افتلى بايدك العجين لفوق الخطوة دى مهمه جدا ف ان العجينه بتطلع مذبدة وبعد كده اللبن الدافى وهاتى العجين من تحت لفوق ومن الجناب للوسط واضغطى بايدك على العجين لتحت جامد دفىء ايديكى فى حد ذاته اثناء العجين بيساعد على هشاشه العجين وتعجنى ربع ساعه لحد لما تلف معاكى ومتلزقش وتسيبيها تخمر
اهى لما خمرت ماشاء الله
بعد مااتنشبت
خرمتها بالشوكه علشان تعلى من الجوانب بسسسسس وسبتها كمان نص ساعه تكمل خمر بتكون زى الاسفنج فى ايدك بعد السوا
ادى الحشوة دبلت البصل وشوحته وحطيت عليه التونه المتصفيه من الزيت والفلفل الاخضر واديتها تقلبتين وطفيت وحطيت الزيتون
اهى قبل ماادخلها الفرن الارضيه انا بحب احط كاتشاب وحطيت الحشو وعلى وش الحشو جبنه شيدر ورومى وفلفل اخضر وشرايح طماطم ودهنت الوش لبن
حبيت ادلع البيتزا علشان التقليدى اللى اشتكى ههههههه بجيب بواقى العجين وباى شكل تحبيه تقطعى وترصى فوق البيتزا
ادى الجميله اهى شكل وطعمممممممممممممم جامد جدااااااااااا
الرنجه انا بسبها تفك الاول وبعدين مش بشويها جامد علشان متملحش تتفتح بس واحيانا باكلها مدخنه زى ماهيه من غير شوى بتكون احلى بفتحها اشيل سلسله الظهر والشوك والراس اخليها زى قطعه الاستيك ….درسنج الرنجه الاولى كانت عباره عن زبدة سايحه يعنى برة التلاجه ع م صغيرة خل ع فلفل صغير متقطع ياخد تقليبه ف غلوة ع النار ع نار هاديه طفيت عليه وحطيت معلقتين مايونيز وحطتيهم على الرنجه على فكرة الطريقه دى مبتخليش فى حموضه بعد الاكل وتحففففه
الرنجايه التانيه بعد الشوى حطيت عليها درسنج ليمون وزيت زيتون وكمون وكسبرة ناشفه وطماطم وفلفل حراق متقطعين وقلبتهم وحطيتهم ع الرنجه
وادى الرنجه واحدة بصوص الزبدة والمايونيز والفلفل الاخضر والرنجه التانيه بصوص الليمون والفلفل الحراق والطماطم وزيت زيتون
طبق البصل وتحته الخس
ومحدش يسالنى ع البطارخ لانى باكلها اول ما بفتح الرنجه ههههههههههههه
لسه راجعه تانى مواضيع هذا القسم برعاية
كوين ام ام كوين ام ام 780607_14.gif سوبر فتكات Fatakat 780607 ……… – ………