اللهم صل وسلم وبارك علي سيدنا محمد
ازيكم يافتوكاتي يارب تكونوا بخير
جايبه لكم النهارده اكله خفيفه وسهله وكمان لذيذذذه جداا
وهي فراخ مشويه مع الخضار وانا شويتهم في الكيس الحراري ان شاء الله تعجبكم
يلا نشوف
دي الفراخ بتاعتي بعد ما غسلتها كويس بالدقيق والخل نسيبها تصفي المايه اللي فيها خالص
نجهز اي تتبيله انتي بتحبيها
انا تبلتها بحاجه خفيفه اووي مش حطيت توابل كتير عشان تكون طعم الخضار باين فيها اكتر
والتتبيله بتاعتي كانت
بصله صغيره مبشوره ناعم
طمطمايه مبشوره
عصير ليمون
ملح فلفل اسود وكاري
صحيح بسيطه التوابل بس بجد حلوه ولذيذه
دي شكلها
ندعك الفراخ بتاعتي كويس اووي من بره وجوه وبين الجلد وسيبيها شويه علي نجهز الخضار
نبتدي نجهز الخضار بتاعنا انا حطيت كل الخضار اللي موجود عندي
بطاطس ــ كوسه ــ فلفل اخضر ــ جزر ــ بسله ( شويه مجمدين عندي) وطماطم شرايح ــ وبصل
نقطع الخضار بتاعنا ونغسله كويس
نضيف التوابل بتاعتي ملح فلفل اسود وحطيت شويه كاري كمان ورشه بقدونس بتخلي ريحتها روووعه وكمان ممكن تضيفي شويه زيت او معلقه سمن براحتك بس انا اكتفيت بالدهون اللي هتنزل من الفراخ عشان كده بتكون خفيفه جدااا
انا استخدمت الكيس الحراري ده شكله وعلي فكره مش غالي ولا حاجه
ونحط فوقه الفراخ بتاعتنا
ونقفله كويس بالرابط اللي معاه كده
نعمل فتحه فيه من الجنب صغيره عشان بس البخار
ونرصه في صينيه عندي
طبعا ممكن تعمليها كده قبلها بيوم وتاني يوم علي التسويه علي طول مش هتاخد منك وقت خالص
ندخلها الفرن علي حراره متوسطه ونولع من تحت بس ومن غير ما تحطي اي مايه ولا حاجه كل الخضار والفراخ هتنزل مايتها وبتستوي فيها وبتاخد وقت تقريبا ساعه وربع اكتر اقل تبع حجم الفرخه
هنا بعد ما استويت اهي حتي بدأت تاخد لون من فوق كمان شايفين
نعمل فتحه في الكيس من فوق ونفتح الشوايه عشان تحمر معايا
ده شكلها بعد ما استويت اهي
كمان شايفين لونها حلو ازاي وريحتها تحفففه
وبجد يافتوكات طعمها رووعه وخفيفه جدااا وكمان مفيده لانها فيها اكتر من نوع خضار
وهنا الخضار استوي كويس اهو
وبس كده شايفين سهل وبسيطه ازاي
اتمني موضوعي النهارده يكون عجبكم ويارب تجربوه ويعجبكم
ودي فراخي المشويه في الفرن
من مطبخي بالصور فراخي المشويه غيررر شكل وطعم وريحه اممم
ومستنيه بقه ردودكم الحلوه اما التقييم قيمي لو شايفه الموضوع يستاهل
وفي مواضيع كتييير في توقيعي ان شاء الله تعجبكم
في امـــان الله ياقمــــــــــرات
مواضيع هذا القسم برعاية
الداعيه ربها الداعيه ربها 465656_61.gif اللهم اشف امي شفاءا عاجلا Fatakat 465656 تبــــــوك – السعوديه