السلام عليكم
من الاخر انتو حبايب قلبي وافدتوني كتير فا قلت افدكم ورد جمايلكم
انا تعبة اوي في الموضوع ممكن تشجعوني وتقيمولي
حماتي حلفة اني جيباه من محل ولما زوجي حلف لها اني عملاه في البيت
قالت لي لازم اعرف انتي عملاه ازاي
المقادير الاساسيه
فرخة مقطعه اربع
اربعه كوب او حسب العدد ارز بسمتي
2كوب جزر مقطع مكعبات صغيره
3 قرون فلفل اخضر
2 بصله كبيره
5 لمونات
معلقه كبيره خل
مقادير البهارات
3 معلقه صغيره ملح مليانه و2 معلقه صغيره اخري للارز
2 معلقه صغيره مليانه كركم و
6 عدان قرفه خشب
5 حبهان
رشتين جوز الطيب او كوبيبه صيني لو فعلا جوز الطيب حرام
3 ورقات لاورا
4 حبات قرنفل
نصف معلقه صغيره فلفل اسم
ربع معلقه صغيره شطه
ربع معلقه صغير كمون
2 معلقه صغير ثوم بودر
اضافه من عندي
ورك فرخه حطيت عليه اتنين حبهان وملح ورشة جوز الطيب ورشة فلفل اسمر ورشة شطه وبصله متقطعه اربع تربع وحطيت عليه مايه وعلي نار هاديه سبته وعملة بيه شوربه ومن كمان يبقي لابني الصغير وكمان زي المطاعم بيتقدم مع المندي شوربه او اي مقبلات وكمان علشان زوجي مش بيحب النواشف وغرقيه في الشوربه
طريقة المندي بقي
انقعي الارز في ماء لمدة نصف ساعه
تتبيلة الفراخ
الجزر كله علي ثلاث عدان قرفه خشب علي بصله نصفها مبشور والنص التاني متقطع علي الفلفل علي معلقة الكركم علي ثلاث حبات وحبيتين كوبيبه صيني حبهان علي رشة جوز الطيب علي ونصف معلقة فلفل اسمر ونصف معلقة شطه ومعلقة الثوم البودر ولو عندك كمان روز ماري علي 5 لمونات اربعه معصورين وواحده متقطعه اربع ومعلقة الخل عليهم بقي نص كوب ماء وثلاث معالق ملح صغيره مليانه لو حبيتي تزودي الملح حسب رغبتك
دي التتبليه
ونقلب كويس وبعدين نحط الفراخ علي التتبيله كدا ونقلبها كويس ومش هنسبها يوم ولا الكلام دا حتتعمل في ساعته
واهم حاجه اعملي فتحات الاول في الفراخ بالسكينه ودخلي التتبيله جواها
وبعدين نجيب صنيه و نرص الفراخ فيها وبعدين نحط عليها بقيت الخلطه كدا وبعدين ندخله الفرن علي درجة حرارة 200 لمدة ساعه او حسب ما تستوي
نيجي عند الارز
ملحوظه هامه حلة الارز تكون ايديها معدن لانها حتدخل الفرن علشان ما تتحرقش
عدة نص ساعه عليه منقوع
نجيب البصله التانيه ونبشرها وندبلها شويه في الزيت تتدبل مش تتحرق
وبعدين نجيب الارز نحطه عليها ونقلبه ونكون رفعينه من علي النار علشان نبدأ نحط باقي البهارات والوقتي الخطوات بالصور في خطوات ما اتصورتش زي معلقه صغير ثوم بودر وربع معلقه فلفل ابيض وربع معلقه كمون
ونقلب التتبيله دي علي الارز كويس ونرفعها علي النار ومعاها 2 كوب شوربه و2كوب ماء مغلي وبعد الماء ما ينشف شيلي الغطاء من عليه ودخليه الفرن يكمل سوي مع الفراخ وخدي من الصوص بتاع الفراخ وضعي عليه اربع او خمس معالق وقلبيه وبعدين دخلي الارز تاني مع الفراخ يكمل سوي
وبعد الفراخ ما تستوي طلعيها وتكوني مسويه فاحمه حلوه كدا وضعيها في ورق فويل او قطعه من بصله وبلاش قشرة البصله لان الفحم لما بيحرقها بتخلي ريحة الاكل وحشه وضعي علي الفاحمه نقطة زيت نقطه فقققققققط عليشان بردو الزيت لو كتير بيخلي ريحة الاكل وحشه
وغطي علي الفراخ لمدة نص ساعه او ربع او لما تيجي تغرفي الاكل
وكدا يكون الارز استوي والفراخ اغرفي بقي طبق شوربي والطبق الرئيس اللي حوا دا بيبقي كدا الجزر والفلفل دا من تتبللة الفراخ اللي بتبقي مستويه طبعا بتزيني بيها الطبق وممكن تتاكل بردو طعمها حلو اوي
يا رب اللي ترد وتقيييييييييييم تتجوز واللي عايزه تخلف تخلف
والداعوه دي من قلبي لائ واحده ردت وقيمة موضوعي
الهم ارزقها الزوج الصالح والزوريه الصالحه واجعلهم عونا لها في الدنيا والاخره اللهم امين
مواضيع هذا القسم برعاية
مستشارة عروسة المنصوره مستشارة عروسة المنصوره 535974_4.gif سوبر فتكات Fatakat 535974 الاحلام – مصر