لو عايزة تعملي الفراخ بطريقة جديدة ومختلفة وكمان تقدري تقدّميها لأطفالك وتعجبهم؛ جرّبي مكعبات الفراخ المشوية على الفحم
مكعبات الفراخ المشوية
المقادير:
½ كيلو صدور فراخ مخلية ومقطّعة مكعبات
ملعقة كبيرة عصير ليمون
2 ملعقة كبيرة زبادي
ملعقة كبيرة زيت
¼ كوب خل
ملح وفلفل
شرائح ليمون للتزيين
الطريقة:
1- حطّي مكعبات الفراخ في الخل لمدة نصف ساعة، وبعد كده اشطفيها بالميه.
2- هاتي طبق غويط، وحطّي فيه الزبادي والليمون والملح والفلفل وقلّبيهم كويس مع بعض، وحطّي الفراخ في التتبيلة دي لمدة 3 ساعات.
3- بعد كده حطّي مكعبات الفراخ في أسياخ واشويها على شواية فحم، أو ممكن تدخّليها الفرن في صينية وتشغلي عليها شواية الفرن.
4- عند التقديم.. حطّي أسياخ الفراخ في طبق التقديم، وزيّنيها بشرائح الليمون.. وبالهنا والشفا.
مواضيع هذا القسم برعاية
رشا على محمد احمد على رشا على محمد احمد على 488319_8.gif فتكات ست الكل Fatakat 488319 الجيزة – lمصر