ازيكم يا فتوكات
انا النهاردة متضايقة اوى
بس قلت هكتب لكم موضوع عشان لما بتكلم معاكو بنسى اللى مضايقنى و لما حد بيسألنى فى حاجة بحس انى ليه فايده و انى بعمل حاجة مفيدة
المهم عشان مش أضايقوا معايا و كمان عشان مطولش عليكم
الأكلة دى من الأكلات اللى جوزى بيحبهاو تغيير عن الطبيخ
و لو عندك اولاد صغيرين هيحبوها باذن الله لانها مش بتكبس هههههه
حتى انا اللى أكلى قليل اكلت نصيبى كامل ههههههه
و معلش يا فتوكات الموضوع طويل حوالى 57 صورة فا استحملونى و اصبروا عليه
انا بس صورت كل حاجة عملتها عشان تبقى اقصى استفادة
و يارب يعجبكم
المهم
نبتدى ب رولات اللحم :
بسم الله
كان عندى شرايح بوفتيك طازة غسلتها و حطيتها فى التلاجة من امبارح
و الصبح طلعتها غسلتها تانى بس لقيت اجزاء منها اغمقت شوية من الماية شميتها لقيتها ريحتها عادية قلت قشطة
و بدأت اشتغل
اصلا الجزار كان عاملها رفيع بس انا قلت ادقها برضه عشان تبقى سهلة فى الأكل
حطيت سفرة عليها زى كده
و دقيتها و شلت السفرة من عليها
و مرة كمان اللحمة كده مش بايظة انا سألت قبل كده ههههه
تبقى بايظة لو عملت كده لوحدها من غير ما تغسليها او حاجة و كمان تكون ريحتها اتغيرت
و دى صورة مقادير الحشو :
بصلة مفرومة
توم هوت دوج مقطع صغير
مشروم مقطع ( لو عندك طازة يبقى أحسن مش عندك المعلب شغال )
بيبرونى أو سلامى مقطع صغير ( انا كنت لسه مطلعاه من الفريزر حالا و عليه تلج اهو فا مكنتش لسه قطعته )
معلقة بقسماط صغيرة مليانة ( انا كان عندى بقسماط جاهز سبايسى حطيته طلع جامد )
جبنة شيدر
جبنة موتزريلا
هنجيب مقلاه و نحط فيها شوية زيت زيتون ( انا بحب استخدم زيت الزيتون فى الأكل لو مش بتحبى الزيت العادى يفى بالغرض )
المهم
نحطه فى المقلاة على النار و بعدين نحط البصل و التوم و شوية ملح و فلفل صغيرينو نقلبهم و نشوحهم شوية صغيرين
و بعدين نحط الهوت دوج قبل ما البصل يدبل
و اول ما نلاقى الهوت دوج شبه استوى نضيف البيبرونى عشان يتحمر شويه بس فى نفس الوقت يفضل طرى
و اخر حاجة نضيف المشروم
و طبعا كلكم عارفين انه بينضاف اخر حاجة عشان مينزلش مايته من الحرارة و فايدته تروح
و ده بالأخص للمشروم الطازة بس انا هنا حطيت المعلب وحطين نص المقدار اللى عندى بس
و بعدين نضيف البقسماط
و نقلبه مع باقى الخلطة على النار و بعدين نطفى عليه
و هنا الحشو خلص
نرجع للحم هنتبله دلوقتى بالملح و الفلفل من جوه بس
و قبل ما نحشى على طول مش نتبله و بعدين نروح نعمل الحشو
تمام ؟؟؟
هنا تبلتها
و نقسم الحشو على 3 أجزاء كده
و نبدأ نحشى كل قطعة بوفتيك بالطريقة دى
و نحط فوقها قطع شيدر و الجبنة الموتزريلا
و نلفها كويس بالراحة
و نعمل الباقيين كمان بنفس الطريقة
و بخلل الأسنان نقفلها كويس عشان ما تتفتحش مننا ( فى الشكل النهائى مش هتبان خالص ما تقلقوش )
و فى نفس المقلاة اللى عملنا فيها الحشوة من غير ما تغسلوها هنحط شوية زيت صغيرين و حتة زبده صغيرة اوى ( انا بحس ان اللحمة لما بتتشوح بزبدة طعمها النهائى بيكون أحلى )
و اول ما الزبدة تسيح نحط اللفائف دى
هنا اول ما حطيتها
هنا لمل ضهرها بدأ يبيض شوية
تابعونى فى المشاركة اللى جاية مواضيع هذا القسم برعاية
zatoona magnoona zatoona magnoona 479996_3.gif سوبر فتكات Fatakat 479996 jeddah – saudi arabia