مكرونة بصوص الفلفل الأحمر والفيتا
المقادير:
1/2 كيلو مكرونة شرايط
بصلة صغيرة مفرومة
كوب جبنة فيتا مكعبات
1/2 كوب شوربة فراخ
2 ملعقة كبيرة زيت زيتون
2: 3 فصوص ثوم مفرومين
3 فلفل رومي أحمر مشوي
2 ملعقة كبيرة بقدونس مفروم
ملح وفلفل
الطريقة:
1- سخني الزيت في طاسة وشوّحي فيه البصل والثوم لحد ما يدبلوا لمدة 10 دقائق، وبعدين قطّعي الفلفل مكعبات وضيفيه على البصل، وشوحيه مع الخليط لحد ما يسخن، وارفعيه من على النار.
2- بعد ما الخليط يبرد اضربيه في الخلاط مع الشوربة والجبنة الفيتا كويس لحد ما الخليط يتجانس تماما.
3- اسلقي المكرونة وبعدين صفّيها، وممكن تحتفظي بـ1/ 2 كوب من مية المكرونة لو احتاجتي تخففي الصوص شوية.
4- قلبي المكرونة مع الصوص ولو حسيتي إن الصوص كثيف أوي ممكن تضيفي له الميه اللي عندك.
5- تبّلي المكرونة بالملح والفلفل وحطيها في طبق التقديم وزينيها بالبقدونس ومكعبات جبنة فيتا، وقدميها بالهنا والشفا. مواضيع هذا القسم برعاية
vatika vatika 148788_52.gif فتكات غالية قوي Fatakat 148788 cairo – Egypt