ازيكم يا احلى فتوكات فى الدنيا وحشتونى كلكم والله
عملت مكرونة بالكبد والقوانص فحبيت تشاركونى برأيكم
واتمنى اللى تعجبها طريقتى متحرمنيش من الرد والتقييم
ان شاء الله
2/1 كيلو كبد وقوانص
متنضفة ومقطعة قطع صغيرة ومتبلة بالملح والفلفل والثوم
2 فلفل اخضر رومى مقطع ناعم
بصلة كبيرة مبشورة
2 حبة طماطم مبشورة
و2/1 كيلو مكرونة مسلوقى النوع اللى تحبية
ننقع الكبد والقوانص فى ملح وفلفل وكمون وتوم مهروس
تقريبا نصف ساعة
وبعدين نحمر البصلة المبشورة فى الزيت تحميركويس
وبعدين نحط عليها الفلفل الاخضر يتحمر مع البصلة شوية
وبعدين نضيف الكبد والقوانص
هنا حطينا الكبد والقوانص على البصل المتحمر
نقلبها مع بعضها ونحط الطماطم المبشورة او معصورةوشويةمية ونظبط الملح والفلفل
ونغطيها وكل شوية نقلب ولو احتاجت مية نحطلها شوية لحد ما تستوى
وتنشف من ميتها يبقى فيها صوص قليقل مش كتيير
طبعا المكرونة هتكون مسلوقة وجاهزة
وعندك طريقتين للتقديم اما بالطريقة دى انك تحطى كمية من الكبد والقوانص
فوق المكرونة زى كدة
ودى صورة تانية
او بأنك تخلطى المكرونة مع الكبد والقوانص على طول
ودى بتكون احسن لو فى اطفال زى كدة
ودى صورة تانية
اتمنى الطريقة تعجبكم
وممكن كمان ناكل الكبد والقوانص بالعيش للى يحبها بالعيش او الرز
بالنسبة للمكرونة يا فتوكات لما نسلقها نغسلها ونصفيها من المية
ونحط عليها نقطة زيت علشان متلزقش فى بعضها
مواضيع هذا القسم برعاية
**شهد كلمات الرحمن** **شهد كلمات الرحمن** 175060_38.gif فتكات غالية قوي Fatakat 175060 العاشر – القاهرة