امبارح كنت مروحة تعبانة ومش ليا نفس اقف اعمل اكل
قلت اسلق مكرونى اسباجيتى واكلها فى السريع
افتكرت طريقة من زمان ماعملتهاش
وبالصدفة كانت مكوناتها عندى
بصوا بقى وركزوا
1/2 كيس مكرونة اسباجيتى (لو عايزة تزودى راعى تزودى التونة )
1/8 جبنة رومى متقطعة بالسكينة او مبشورة
علبة تونة قطع اى نوع
3 فصوص توم متقطعين صغير
وبسسسسسسسسسسسسسسسسس
الطريقة
تجيبى المكرونة تسلقيها عادى جدا فى مية وملح وتصفيها
تحطى الزيت بتتاعع التونة فى الحلة وعلية الثوم وتقليبتين لما يصفر
وتحطى التونة وعليها المكرونة ورشة ملح وفلفل وهدى النار وسبيها دقيقتين بس
ولما تحسى ان الخليط امتزج والتونة اتوزعت كويس فى المكرونة حطى عليها الجبنة الرومى واطفى النار
هتلاقى الجبنة ساحت وبقت مجرمة
اغرفى فى اى طبق وبالهنا والشفتشى
والله تحفة وعن تجربة
دة حتى بنتى الى كل حاجة مش بتاكلها عجبتها جدا واكلت منها كتير
اتمنى تجربوها وتدعولى بصلاح الحال مواضيع هذا القسم برعاية
twwety sweety twwety sweety فتكات حبوبة Fatakat 465224 cairo – egypt