السلام عليكم ورحمة الله وبركاته
———————————
ازيكم فتوكاتى اخباركم ايه اتمنى اكون خفيفة على قلبكم ووصفاتى تعجبكم مطولش عليكو النهاردة المكرونة دى طقت فى دماغى اعملها ولما جربتها لقيتها تحففففة والله يابنات يارب تعجبكم
المقادير
———-
مكرونة أى نوع
بصلة مبشورة او مخرطة
فص ثوم
2 ملعقة كبيرة صلصة
ملح
فلفل
فلفل أخضر(اختيارى)
شطة(اختيارى)
سمن او زبدة
الطريقة: نحط السمنة او الزبدة فى حلة ثم نضيف عليها البصلة وفص الثوم المهروس ونشوحهم شوية بعد كدة ننزل بالمكرونة وناخدها كام تقليبة كدة وتتشبع بالمكونات بتاعتنا بعد كدة نضيف الصلصة والبهارات ونقلب كويس جدا بعد كدة نضيف ليها مية يادوبك نغطيها مش كتير عشان متعجنش ولما تغلى وتبدأ تقل منها الصلصة نوطى عليها جدا ونغطيها لو فى شياطة الرز ياريت .
(فكرتها جتلى من المكرونة الشعيرية بالسكر قلت ليه معملش المكرونة كدة وعلى فكرة المكروناية بتبقى الواحدة بواحدتها ومش بتلزق خالص).
ممكن تضيفو البهارات او المكونات اللى تحبوها المكرونة بتحب التغيير.
اتمنى تجربو وصفتى وتعجبكو ان شاء الله
مواضيع هذا القسم برعاية
رورو مرشدى رورو مرشدى فتكات جديدة Fatakat 1209683 الاسكندرية عروس البحر الابيض المتوسط – مصر