دي طريقه جديده للمقلوبه
مقلوبه بالتونه والخضار
والطريقه دي اختها من اختي وحبيبتي " ملكة بيتها .. ربنا يجازيها الف خير ويرزقها بالذرية الصالحه يارب "
هي غريبه شوية بس والله الطعم يجنن والشكل هتشوفوة بعدين
المهم طبعا انها سهله جدا ومش مكلفه خاااااااااااالص
ومش بتاخد وقت علي النار يعني اخرك هتقفي في المطبخ نص ساعه وبس
يالا تعالوا اوريكوا شكلها الاول وبعدين الطريقة
الطريقــــــــــــه
* في حله تيفال نضع طرنشات رفيعه من البصل .
* وعليهم طرنشات متوسطه من البطاطس .
* طرنشات طماطم .
* علبة تونه او علبتين علي حسب كمية الرز وحجم الحله .
* طرنشات جزر وشرائح فلفل اخضر ( او فلفل الوان او حار علي حسب ذوقك ) .
وما تتأيديش بنوع الخضار اللي انا عملته ممكن تحطي كوسه وفاصوليا خضراء وبسله
يعني انتي ووذوقك واللي متوفر عندك ….
* دي بقي الخلطه : عباره عن : معلقة كركم + معلقه كاري + معلقة صلصه + زيت وماء وملح وفلفل اسود
طبعا برضه تكتري الكميه لو هتكتري عن 2 كوب رز + علبة تونه
* تحطي الخلطه بعد ما قلبتيها كويس علي مجموعة الخضار .
* تسويها علي نار هاديه وهي تقريبا بتاخد نفس وقت سوي الرز يعني نص ساعه بالكتير .
* بعد ما الرز يكون استوي في حلة لوحده نحطه علي الخضار المستوي ونسيبهم علي النار 5 دقايق وبعدين نقلبه في طبق التقديم .
*****ملحوظه : اقلبي حلة الرز والخضار وسيبيها مقلوبه علي طبق التقديم دقيقتين ثلاثه علشان لما تشيلي الحلة من عليهم تفضل بنفس شكلها .
يارب يكون شكلها عجبكوا
و والله والله والله طعمها تحفــــــــــــــــــــــــه وسهله وبقيت بعملها مرة كل اسبوع
واهي بتنفع في اي وقت يكون ما لكيش نفس للطبخ ولا الطبيخ …
اختكم // أم أحمـــــد
مواضيع هذا القسم برعاية
om ahmed2016 om ahmed2016 415942_1.gif فتكات نشيطة Fatakat 415942 الهرم – مصر