معلومة ممتازة عن
الكفتة المشوية
دايما اسئلتكم ان
الكفتة بتتفك منكم
او الكفتة بتقع من السيخ
او الكفتة بتنشف
او الكفتة مش طعم اللى بنشتريها من المحل
بصوا بقى انا بصراحه بصراحة وبكل امانة انا عارفه سرها بس الكبابجى اللى قلهالى حلفنى الاول ان عمرى ما اقولها واعتبرة انه امانه بينى وبينه وفعلا انا حلفت يمين وانا مش حقوله لكن انا حقربلكم الطريقة علشان تنجخ معاكم وبصراحه حتكتم على معلومة واحده فقط لكن ان شاءالله ان شاءالله من غيرها برضه حتاكلى احلى كفتة مشوية طبعا حتسألونى طب الكباب ( اللحمة ؟؟؟) للاسف ان الحاجة الوحيدة اللى انا مش حقولها هى اللى لازم برضه تتحط للحمة او الفراخ المشوية علشان تدى نفس طعم المحلات
اولا
متحطيش خاااااااالص بصل فى تتبيلة الكفتة ولا تفل البصل ولا ماء البصل يعنى مفيش بصل خالص
ثانيا لما تخلطيها بالدهن لازم يكون مش اى دهن الدهن عبارة عن دهن بتلو وليس كندوز ولا ضانى
ثالثا اذا كنتى عايزة الكمية تزيد عندك حطى على الكيلو لحمة مفرومة معلقه كبيرة برغل مغسول ومفروم مع اللحمة واذا عيزاها عادية وخفيفة مش لازم تحطى البرغل
رابعا تبلى اللحمة المفرومة بالملح والفلفل الاسود الناعم فقط
خامسا لما تيجى تصبعى الكفتة فى الاسياخ متحطيش اللحمة من عند بوز السيخ من فوق لآلآلآ حطى قطعه اللحمة فى ايدك ولفيها على طول حوالين السيخ مش من فوق
الطريقه
مثلا كيلو لحمة مفرومة ولو برازيلى تبقى احسن وعليها ملح وفلفل ونص كيلو دهن وشغت بتلو وتفرميها فى المفرمة وتعجنيها بايدك ( والبرغل اذا حتحطية معلقه واحدة )
ابشرى بصلة كبيرة وخدى الماء بتاعها فقط وحطية جنبك فى طبق وتحطى ايدك فى الماء دة كويس وبعدين تاخدى حتة اللحمة وتصبعيها وانتى بتضغطى عليها بايدك المبلولة بماء البصل وهكذا لحد ما تخلصى الاسياخ كلها مره واحدة وبعدين تحطيهم على الشواية مع بعض برضه مرة واحدة وتلفيهم دايما مع بعض جربيها وبالف هنا وشفا
تقريبا تقريبا كيلو الشغت بالدهن بحوالى 10 جنية
جربوها وبالف هنا وشفا
مواضيع هذا القسم برعاية
نادية جعفر نادية جعفر 82510_4.gif فتكات ست الكل Fatakat 82510 ارض الله الواسعة – جمهورية مصر العربية