صباح الفل يا فتوكات
السلام عليكم ورحمة الله وبركاته
من خﻻل وجودي في القسم ده كتير لقيت في حاجات بتقلق الحوامل كتير
وهي حاجات طبيعية، وبيبقى أحيانا سببها الدكتور مش بيوضح كويس أو بينسى يقول أو بيكسل الله أعلم
– أول حاجة تحليل الحمل المنزلي، مش شرط زي ما ناس بتقول ﻻزم بعد تأخير البيريود بأسبوع او عشر ايام، كفاية اوي يومين تأخير او 3 وهيبان ان شاء الله
إﻻ لو واحده تبويضها أصﻻ بيحصل متأخر اوي ودي بتبقى طبيعة جسم
تحليل الدم العادي برضو بعدها بيومين، لكن الرقمي غالبا في نفس المعاد بيبان.
– الحمد لله عرفتي إنك حامل ونفسك تروحي للدكتورة تطمنك على الجنين،
وده اللي بشوفه هنا في القسم كتير اوي تروح للدكتور يعمل لها سونار ويقول لها مش باين حاجة، والعيب على الدكتور بصراحة عشان الطبيعي ان مفيش حاجة بتبان في السونار بدري اوي كده، وبيقلق الحامل على الفاضي، أنا برا مصر ومفيش وﻻ دكتور بيرضى يعمل لي سونار أول لما أعرف بالحمل،
بيديني معاد بعدها بأسبوعين يكون ظهر الكيس، والنبض بيظهر في اﻷسبوع السابع واضح.
– طبعا من أول زيارة بيديكي الفوليك أسيد ده أساسي، ومثبتات لو انتي محتاجة.
في ناس بتقول مفيش حاجة اسمها مثبتات، أحب اقول لها ﻻ في،
أنا أجهضت مرتين ، المرة اﻻولى بسبب فيروس، والتانية من غير سبب عشان كل التحاليل طبيعية، في الحمل التالت قبلها كنت عامله تحليل البروجسترون طلع 7.5
ودي نسبة قليلة جدا جدا لواحده حامل، اول لما عرفت بالحمل الدكتورة كتبت لي دوفاستون، بيرفع نسبة هرمون البروجسترون في الجسم وما يتسببش ان الحمل ينزل، يعني المثبتات ليها وظايف مش مثبتات بشكل مباشر.
-طبعا التحاليل الدورية مهمة جدا، والدكتور اللي ما يطلبش منك تحاليل خالص يبقى دكتور مش فاهم حاحة وﻻزم تغيريه على طول، والتحاليل اللي ﻻزم تتكرر على طول
صورة الدم وتحليل البول، غير طبعا التحاليل التانية.
– في حاجة تانية الدكتورة نبهتني عليها عشان ما كناش عارفين سبب اﻹجهاض اﻷخير
قالت لي في الشهور اﻷولى ابعدي تماما عن السكريات وقللي النشويات خالص، عشان مستوى السكر في الدم لو ارتفع أو انخفض فجأة ممكن ﻻ قدر الله يسبب نزول الجنين.
– حاجة أخيرة ﻻحظتها هنا، بعد الشهور اﻻولى في نتس جسمها بينتفخ اوي ويورم، هو في العموم هرمون الحمل بيخزن أصﻻ ميه تحت الجلد، بس لو الورم ده جه فجأة او بزيادة اوي، ﻻزم فورا تروحي للدكتورة تقيس لك الضغط وتعمل لك تحليل زﻻل.
دي الحاجات اللي جات في بالي دلوقتي يارب تفيدكم
زيارب نقوم كلنا بالسﻻمة على خير
لحظة فرح ! لحظة فرح ! 227532_4.gif فتكات رائعة Fatakat 227532 في قلوب أحبابي – بعيد