يا جماعة انا والدتى دخلت مستشفى السلامة لأن كان عندها نزيف و الانيميا كانت منخفضة و فيه التهاب بالصدر
الحمد لله الأنيميا اتظبطت و التهابات الصدر قلت و في المستشفى جابولى دكتور اسمه محمد سمير علشان يعمل عينة من الرحم و اتعملت ….
نتيجة العينة للأسف طلعت ايجابية و انها في المرحلة الأولى و الحمد لله على كل شئ
المشكلة ان دكتور محمد سمير من يوم ما عمل العينة و لمدة اسبوعين مظهرش و مكلمناش و كل يوم يقولوا جاي اليوم و بكرة و بعده و مجاش و لما اتأكدنا ان لازم تتعمل عملية طلبنا ان الدكتور علاء الخولي هو اللي يعملها لخبرته و لكلام الناس الكويس عنه و كانت الصدمة انه رفض يعمل العملية بحجة ان حيحصل خلاف بينه و بين دكتور محمد سمير و شرحنا سبب طلبنا و لا حياة لمن تنادي و كأن الحالة الصحية لمريضة عندها 65 سنة و مصابة بالسكر و الضغط و القلب و التهابات الصدر لا تساوي شئ و ان الأهم هو علاقاته الشخصية …
انا مش عارفة اعمل ايه كلمت دكتور السيد البدوي و قاللي ان مستشفى السلامة مش سهلة و ان لازم اجيب الحالة للعيادة و ده مش سهل نهائي ………
و بعدين فوجئت بأحد الأطباء بيقول ان سبب عدم رغبة الدكتور في العمل بمستشفى السلامة بسبب انه مش متعاقد فيها و حيكون فيه ضرائب عليه كبيرة
اجيب مين دكتور يكون كويس فعلا مش اسما و خلاص و يكون عنده ضمير …ارجوكم و استحلفكم بالله تردوا عليا انا اعصابي تعبت و مش عارفة اعمل ايه
arablionz7878 arablionz7878 فتكات جديدة Fatakat 1025092 alexandria – egypt
سبحان الله و بحمده