اهلين بالناس الحلويييييين
بقا انا عملت مكرونه يا جماله يا جماله الشيف حسن وكنت بعمل كده في اللازانيا بس بس لاقيته بيعملها برده في المكرونه البشاميل العاديه وانا ليا موضوع مدفون هنا بتاع لزانيا وروستو متنسوش تدفنو ده معاه -بالمره ههههههههههههه
ارجو التقييييم والرد والتفاعل
الموضوع نازل بالصور بتكاته بحركاته بسلطاته بباغنوجه يعني مالكوش اي حجه خالص
وبصراحه فيه اختلاف في اللحمه المفرومه يعني اول مره احط توم مفروم اترددت بس قلت اجرب وطلعت حلوه جدا وبرده اول مره احط صلصله مع البصل انا كنت ببشر طماطم علي اللحمه
معايا يا هانم شوفي تكاتك وحركاتك ههههههههههه
الشغل كله زبده وزيت السمنه في البشاميل مش حلوه خالص وعن تجربه
هانجيب البصل نصفره ونضيف معلقتين صلصله وده خلي الصلصله مسكره مش مززه زي ما كنت متخيله
]
بعد كده هاضيف اللحمه ولما تشرب ميتها هاحط عليها كوبايه عصير طماطم بيور
هاعمل البشاميل الزبده ادها دقيق وانزل باللبن وكان ناعم ومش مكلكع خالص
وبعد كده هاحط جزء من البشاميل علي المكرونه
واحط زبده في الصنيه وراق مكرونه ولحمه وبشاميل وموزاريلا
دخلتها الفرن ومش هاتقعد كتير وطلعت بقا واو كده
وكنت عامله معاها بانيه روعه يا بنات والله اصلا مبقتش اشتري بقسماط من بره خالص بصراحه يقرف
فبجيب عيش فينو من غير تحميص ولا حاجه اضربه في ماكنه البصل مع كورن فيلكس وبهاراتك بقا وشكله وطعمه خرافه
وباقي 6 خرط هابقي اتعشي بيهم هههههههههه تايد بقا انتو عارفين
حقيقي يا بنات جربوها هاتعجبكم ان شاء الله
انا كده خلصت بجد تعبت في رفع الصور فياريت بصوباعك الصغنون ده تقييمي بيه وتكتبي تعليق بنفس الصوباع
،،رب اني لما انزلت الي من خير فقير ،،
في امان الله مواضيع هذا القسم برعاية
haneen_75 haneen_75 90893_1.gif فتكات ست الكل Fatakat 90893 جده – المملكه العربيه السعوديه