بسم الله الرحمن الرحيم
سلام عليكم يا بنانيت يا حلوين
اولا : انا عامله الموضوع ده تنبيه للباحثات عن الحمل و مستعجلين اوى زى كد علشان النصيحه
ثانيا : محتاجه دعواتكم كلكم والله انتم عارفين الدعوه بظهر الغيب يعنى اللى مش هتعلق تدعيلى حتى فى سرها
بصوا بقى يا فتاتيك
مبدئيا مفيش واحده فيكم تلجأ للمنشطات الا لما تعرف عن نفسها كل حاجه
و تتأكد كويس اوى ان ده الحل الوحيد بأمر ربنا طبعا انها يجلها فرصه الحمل
يعنى من الاخر انها تعمل متابعه تبويض و تعمل تحاليل الهرمونات و سونار و كل السبل للتأكد من ان مفيش اى مشكله
هحكلكم بقى تجربتى مع المنشطات ربنا ميحوجنى ليها تانى يا رب
انا زى اى واحده اتجوزت نفسها تجيب نونه تسليها للى قاعده طول اليوم فى البيت زى القرد لوحدها لحد مل جوزها يجى
بدا الموضوع انى بعد الزواج ب 3 شهور بدات احس بأن بعد الجماع و لما بصحى من النوم فى الوقتين دول بيبقى فى حاجه بارزه عند بطنى من تحت مكان الرحم يعنى
ف اختكو ايــــه بفضل افرك كده لازم افهم مينفعش حاجه تعدى من تحت ايدى كده بالساهل
قمت هوووووب و سيرش على الجوجل ملقتش حاجه مفيده قمت قلت لأ بقى دانا اروح للدكتور علشان افهم ده عادى ولا ايه !! رحت لدكتور باطنه كبير ….. شربت لتلر مايه علشان المثانه تتملى و يبان السونار كويس
و عملى السونار اللى هو الاشعه التلفزيونيه و المفاجأه يقولى عندك ورم فى الرحم حجمه كبير
جالى صدمه والله حسيت ان الدنيا اسودت فى عنيا كانت ماما حبيبتى معايا و قالى روحى لدكتور نسا
كانت 11 بليل كان هاين عليا اروح اى مستشفى فيها دكتور ورديه بس قلت مستعجله على البلوه ليه و كان سعتها جوزى فى ماموريه و مسافر
رجعت البيت مش شايفه قودامى و بحاول اعمل متماسكه علشان ماما حبيبتى كانت اصلا على اخرها
و بعد مصليت العشا طبعا و السجاد مليانه عياط فضلت ارجع من الخوف معلش فى اللفظ ايه القرف ده
تانى يوم مكدبتش خبر روحت لدكتور نسا شاطر جدا والله و مولد مامتى اخويا الصغير و كل بنات و ستات العيله بيشكرو فيه
قالى متقلقيش ده ورم ليفى و موجود عند 30 % من الستات ولا بيمنع حمل ولا الهوا ده انا لسه مولد واحده عندها 4 و شلتهم فى الولاده و طمنى على الاخر
طلب منى تحليل هرمونات كامل .. عملته ولقاه تمام و جوزى جه و عمل تحليل و طلع الحمدالله يا رب كله تمام و مفيش مشاكل
قاللى خلاص ناخد منشط لمده 3 شهور و كتابلى من تانى يوم البيريود بورشامه لمده 5 ايام و بعدين 2 حقنه فى اليوم التاسع من البيريود و متابعه تبويض من ال يوم ال11 لل 15 يوم و يوم
عملته يا بنات و الحمدالله البويضات كانت بتوصل لحجم حلو الحمدالله
فضلت كده 3 شهور كان عدى على جوازى سنه … كان الورم الليفى قبل المنشط 5 سم
و بعد اول شهر بان فى متابعه بتاعت التبويض 6 ونص سم
الشهر اللى بعده بالمنشط وصل 7 و نص
الشهر التات وصل 8 ونص سم *7 ونص
وانا طبعا بلاحظ التغير و اساله يقولى اصل بيختلف بحجم الرحم ممكن يكورن الرحم اخد وضع مختلف فا التجويف زاد ف الورم بان اكبر احنا نوقف المنشط و نريح 3 شهور و نرجع ناخده
لكم ان تتخيلو حالتى النفسيه وانا كل شويه ادويه و دكاتره وانا عندى 21 سنه و اهملت ف نفسى و بقيت عصبيه و حاجه قرف
قررت اغير الدكتور و رحت لدكتور كبيــــــر اوىىى فى المعادى اسمه محمد عثمان غالى جدا جدا يا بنات بس يستاهل علم ايه و نضافه ايه بس بصراحه غالى اوى
اول مشاف التحاليل و الحاجه قال الزوج يركن على جنب مفيش حاجه الحمدالله قاللى انتى بقى الورم الليفى ده نشوفو فى سونار ثلاثى الابعاد شافه ولقى حجمه 8 و نص *7 بالظبط
اتصدم لان ده حجم كبير جدا دا اد البيبى فى الشهر الخامس و انا اصلا 54 كيلو و باين بطن اكنى حامل و الناس كانت فكرانى مخبيه مخبيه للشهر الخامس مستنيه لما الفضيحه تبان
المهم مطولش عليكو قولو طوللى
قالى ده لازم استاصال فورا …. الصدمه التانيه مينفعش منظار لازم جراحه … الصدمه التاته لازم تفهمى انها مجازفه لان انتى لسه 21 سنه و معندكيش اطفال و الورم فى التجويف و العمليه صعبه … ان ان ان
كل الصدمات دى كووووم و الصدمه الجاية كوووووم اتنى
العمليه هتتكلف 38 الف جنيه ب أجره المستشفى يعنلا شامله كل حاجه
انا طبعا مصدومه جوزى قاللى ملكيش دعوة بالفلوس و انا هتصرف لو عايزه تعمليها لو مش عايزه خلاص المهم انك كويسه و مفيش حاجه خطر عليكى و مش مهم الاطفال
طبعا الورم زاد بسبب المنشط و الدكتور الله يسامحه كان عارف و قال يمكن تحمل
وده اكدهولى د محمد عثمان
المهم انا صممت اروح لدكتور تانى اتاكد من الكلام ده
سمعت هنا ناس بتشكر فى د عادل فاروق البيجاوى ف قلت اروح
طبعا حاجزه صعب جدا و جوزى اتبهدل يومها علشان يحجزلى
روحتله المساعد بتاعه قاللى انتى كله تمام معدا الورم قلتله بيمنع الحمل قالى طبعا ولد صغنن كده يجى 28 سنه قاللى عموما هتدخلى للدكتور و هيتكلم معاكى
المهم دخلت للدكتور و سبحان الله الناس بتقول عليه جاف و متعجرف انا شوفته حسيت انه سمح و طيب و متدين جدا و كلامه ريحنى اوى قعد يقولى الحمل و الانجاب بأيد ربنا يعنى ممكن تكونى سليمه انتى و زوجك و ربنا ميكتبلكيش الحمل ف اتكلى على الله و ارمى حمولك عليه و قولى ربى لا تذرنى فردا و انت خير الوارثين و ف اول قعده قولتله هعمل العمليه هنا و حددلى معاد قالى انتى قلبك جامد و برافو عليكى خالى ايمانك بربنا كبير و مفيش اختيار تانى ف أتكلت على ربنا و ححدت المعادد معاه و بنتكلم مع المساعد فى التكلفه و عملين حسابنا على انه هيقول 40 الف مثلا زى صاحبنا و كنت شايله هم المبلغ ده اووووووووى يا بنات و بعيط لانى عارفه ان جوزى هيستلفمن اهله و هو بيكره الموضوع ده لقيته بقولى المستشفى النضيفه اوىى الفندقيه ب 8 الاف و تحليل الورم ب ألف و المستشفى العاديه هتتكلف 6 الاف
مش متخيلين الفرحه اللى كنت فيها جوزى قاللى لا ده شكله اى كلام ده فى فرق 30 الف جنيه !!!!!!!!!!!!!! سألت انا بره و عرفت ان دى تكلفت العمليه و ان عثمان هو اللى غاللى جدا واحد كشفه لا 500 جنيه هتبقى عمليتو بكام يعنى يالا ربنا يزيدو
المهم انا عملت العمليه من شهر و اسبوع خايفه اوى من النتيجه هتظهر فى اشعه بالصبغه بعد شهر كمان و انا مانعه الحمل لان العمليه قيصريه لمدت 5 شهور
نستفاد ايييييه بقى ان اى واحده متأخره شويه تروح ل دكتور و اتنين و تلاته قبل متاخد اى حاجه تضرها انا من غير المنشطات كان ممكن عمليتى تتعمل منظار بس الحمدالله على كل شئ و بقول ربى لا اسألك رد القضاء ولكن اسألك اللطف فيه يا رحيم لا تكتبنى عقيم و هب لى من لدنك ذريه صالحه ترضاها عاجلا و ليس اجلا يا رب العالمين
ربى لا تذرنى فردا و انت خير الوارثين
بالله عليكم تاخدو بالكم مش حلم الاامومه بعميكم و تستسهلو علشان تتقو الله ف نفسكوا
و ادعولى انتو عارفين انا نفسى ابقى مامى و عايزه دعوه حلووووووووووووووه
فى امان الله يا بنات
enta meni enta meni 408045_4.gif فتكات رائعة Fatakat 408045 Helwan – egypt