انا ديما العصبيه بتاكل ف جسمى
ديما بتعارك مع خطيبى يوميا على أى حاجه و أى سبب
حتى لو اكتشفت انه مظلوم مش بقدر امنع نفسى من الزعيق والزعل ومش عارفه اعمل ايه
ومع انه ف أغلب الاوقات بيكون مظلوم بلاقيه هوه الى بيجيلى وبيصالحنى وبيحاول يقربلى وانا مش عارفه ليه ببعده عنى مع انى بجد بموت فيه وبحبه اوى
انا حاسه انى تعبانه اوى و بفضل اقوله متتصلش ومش عايزه اسمع صوتك وبقول كلام بجد جارح بجد .. وبلاقيه بيرجع يتصل ويقولى متزعلش انا عايزك كويسه بس وتبقى هاديه
ساعات كتير ببقى زعلانه منه هوه الغلطان او انا .. ف كل مره هوه الى بيجى يصالحنى وممكن اكون لسه مغلطاه ف حاجه وظلماه والاقيكى باعتيلى حبيبى حقك عليا انا بحبك برده وانتى عارفه انى معملش كده
بجد حرام انا حاسه بالذنب من ناحيته وبعشقه بجد بس مش عارفه العصبيه ديه طبع من طباعى بس انا بستخدمها معاه بعنف رهيب
يا جماعه انا مفتكرش انى روحلتله واقولتله اسفه من يوم ما عرفته من سنه ونص غير مره ممكن او اتنين مفتكرش غير كده وبيكون ف الغالب برده هوه الى بدأ
وحاجه بسيطه عشان محدش يقول عنه حاجه .. انا خطيبتى شخصيته جامده ف شغله و مع اهله ومع أصدقائه وليه وضعه ف كل حته وف عمله
ومعايا برده شخصيته قويه بس لو حاسه انى زعلانه او تعبانه مهما كان الى بينا زعل ولا كويسين ولا اى حاجه بيجرى عليا ويقولى حبيبى الف سلامه عليكى ويارب تكونى بخير 
ارجوكم مش عايزه اظلمه حد يقولى اتصرف ازاى بجد ارجوكم من أختكم حنان … وارجوكم حاولوا بجد تفيديونى بأى طريقه
Hanan.ahmed Hanan.ahmed 979522_1.gif فتكات جديدة Fatakat 979522 Cairo – egypt