السلام عليكم ورحمة الله وبرك كل سنه وانت في احسن حال يارب
ويارب موضوعي يعجبكم يا حبيبااااتي
عيد الام عندي ينقسم الي تلات اشخاص
ولو سبتوني هيكون التلات اشخاص دول امي
في المقام الاول امي نور عنيا ربنا يحفظهالي وهي من انصار الاكل الصحي الخفيف
وعشان كده فكرترلها في رز بالخلطه مع فرخه محمرة مع بطاطس مطبوخه بس صحيه جدااا وشوربه لسان عصفور بالدمعه مع سلطه طماطم متبله
في البدايه هنحط فرخه بلدي عفيه تتسلق مايه وبصله وفصين توم وفلفل اسود وحبهانايه المره دي حطيت حبايه مستكه خلت ريحة الشوربه وهميه وعلي النار وسيبها
بصلايه مع فص توم
كبد وقوانص مقطعه
زبده وزيت عشان الرز يطلع مفرفر
ربع كوبايه لبن
بهاراتك فلفل اسود ملح نص معلقه بهارات كبسه واي بهارات انتي تحبيها
هنحط الزبده مع الزيت ونشوح البصلايه والتوم وحبايه طماطم صوغننه وننزل بالكبد والقوانص
وانزل بالرز
اضيف شوربه بس مش الكميه المطلوبه كلها لسوا الارز هكمل بربع كوباية اللبن ودي عشان بتدي ريحه مدخنه للارز روووعه وبتحافظ عشان لونه يفضل فاتح
ونقفل
البطاطس نجيب بطاطس علي حسب الكميه عدد الاشخاص الي هتاكل هتقطعيخا مربعات وتسلقيها في مايه مغليه مع ملح وكمون فقط
هتكون الفرخه خلصت تترك لتحمر في الزيده
وهبيدا احمر لسان العصفور في زبده او زيت انا عن نفسي بحب استخدم الزبده في كل اكلي صحيه وبتدي طعامه للاكل
وقرب ما يتحمر هضيف معلقه صغيره صلصه واقلب واروح قلباها في الشوربه
البطاطس اتسلقت بس قاسيه مسبيا يعني الحبايه بحبتها مش مهريه
بطلعها في مصفا وابعدين احطها في البيركس
واجيب طماطم مقطعه مكعبات وفلفل واحطهم عليها
واروح جايبه كوبايه عاصره فيها حبة ليمون وفصين توم ناعمين ويهارات ملح فلف اسود كمون بصل بودره ونعناع ناشف واروح مقلبهاهم مع الليمون
واحطهم علي البطاطس واقلبهم براحه هنلاقي الطماطم طبعت لونها علي البطاطس هخليها الفرن تاخد وش
وبالف هنا
الحمدلله والشكر لله الاكل كانت في منتهي الروعه وريحته جميله والتومه والليمون في البطاطس كان رهيب
يارب تجربوها وتعجبكم
تاني شخص عندي وتاني اكله خاصه ب حماتي
الاكله دي تقريبا كلفتني حوالي65 جنيه ويمكن اقل
لاني جبت بطايه صغيره 45 جنيه وبجبها صغيره عشان بتبقي طعمه وفي نفس الوقت لحمتها لذيذه
وعلي شرفها ولانها بتحب الاكل المسبك والمشطشط عملت
بطه محشيه رز علي فريك
وارز بالفريك من نفس حشوة البطه
ملوخيه
باتنجان مقلي ومتبل
محشي كرنب
اولا المحشي مهمنيش اصور اللف والسلق لانه مش جديد بس التركايه في السوا بتاعه ودي حته اتعلمتها من حبيبت قلبي امي
ندخل علي البطايه نضيفه ومستحميه وزي الفل
بسلقها سلق عادي ملح فلف بهارات حبهانه وضيفت مرقه
وسبتها تعيش حياتها
تجهيز الارز الفريك
عايزه بقي اقولك حاجه مهمه بالنسبه للفريك
الفريك الفريك بيكون لون حبايته مخضره اما الفريك الي علي اصفر فبيكون برغل بس مكسر
انا جبت الفريك الاخضر
وحطيت 2:1 رز وفريك وغسلتهم تمام
نحمر معلقة زبدة
وطماطميتين وبصلتين وانزلي بيهم علي النار في حله مع حته زبده وسبيهم يغلو
هتحطي بهاراتك انت حطيت ملح وفلفل اسود وابيض وبصل وتوم بودره ومعلقه جنزيبل بورده صغيره ونعناع مطحون ربع معلقه صغيره ودي ادت نكهه وهميه
وعلي فكره كنت حاطه نعناع علي خلطة المحشي بس اخضر وضربته في الخلاط مع الطماطم وكن حاطه كام ورقه مش اكتر لمجرد النكهه مع معلقه شطه كبيره
المهم غليت الطماطم والبصل وحطيت بهاراتي وقلبتهم وسبتهم دقيقتين روحت طافيه وكنت مقطعه كسبره خضرا قلبتهم عليها
وحشيت البطه ورجعت بقيت اللخطه تستوي علي النار
ربط رجل البطايه لاني بحب اقطع الجلد الي مليان دهون وقفلتها بالرقبه وعلي النار عدل
علشانك يا اجمل هديه اكلات شهية علي قد الميزانيه
مجرد ما البطايه غليت وقبل ما شوربتها تبقي تقيله سقيت المحشي وحطيته يستوي ومش بغطية بالماية زي الارز
غليت الشوربه تمام احدت منها للملوخيه
وعملت الطشه بس وانا بحمر التوم مع الكزبره الناشفه كعادتي ضيفت معلقه صغيره طماطم
بتخلي الملوخيه وهميه وروحت قلباه علي الملوخيه وقافله الغطا عشان تاخد النكهه
ملحوظه اي تحميرات بتتم في اكلي بستخدم الزبده
قليت البتنجان
وروحت جبت توم مهروس وملح وفلف وكمون وكزبره ناشفه وخضرا وطماطم وهرساهم في بعض وحطيت معلقتين خل وضيفتهم علي البتنجان
رفعت البطه حمرتها في الزبده
والحمدلله كانت اكله اكتر من راااااااائعه نسيت اقلوكم المحشي بعد ما يستوي تقفلو النار وتسيبوه يهدا شويه وقبل التقديم قطعي حتت زبده وسبيها تسيح في وسطيه
ودوقي بقي المحشي بيكون روعه صراحه ..دي التركايهباضحك
استنوني في الفقره التالته والاخيره
فاصل ونوااااصل
الفصل التالت والاخير حيث يتم الكشف عن الشخصيه الثالثه والاخيره وهي مرات اخويا
الاصناف فراخ محشيه ور.. ور..يعني صغيره عمرها حوالي عشرين يوم وتكون بلدي بتتباع بالواحده وطبعا بتطلبي من الفرارجي ينضفها
جبت الواحده ب 7.5 وعملت اربع فرخات
رز معمر
باميه ويكه
مسقعه
سلطه
اولا الحشوه بتاعت الفراخ نفس حشوه البطه لا جديد بحشيها واكتفها كذه
انيه
بتستوي ازااااااي بقي
اولا بجيب بصلايه وفصين توم وحته زبده وتشويحه علي النار واروح راصه الفراخ بعد ما تتحشي علي ضهرها يعني ناحيه الحشويه لبره
علشانك يا اجمل هديه اكلات شهية علي قد الميزانيه
وبعدين بحط توم وبصل بودره فلفل اسود ملح حبة مستكه واسيبهم علي النار خمس دقايق هيبدا البصل يحمر هنزل بشويه مايه
بمعني اني مش هملا الحله لاء خالص يا دوب نغطس نص الفراخ بس انا حطيت كوبايتين مايه ونسيبها ربع ساعه
الارز
كيلو لبن
نص كيلو رز
3 معالق زبده
ربع كوبايه زيت
ملح
ونجيب كيلو اللبن و3 معالق الزبده وربع كوباية زيت وملح
حطي اللبن وعليه الزبده والزيت والملح وقلبي متواصل عشان الملح يدوب ميكلكعش حوالي ويعملك كتل مالكه تقليب دقيقتنين
هيبدا يغلي تطفي عليه
وتكوني غسلتي نص كيلو رز وترصيه في صينيه
وتروحي جايبه الفراخ هتكون استوت تمام وحطاها وسط الرز ومصفيه الشوربه من البصل وحاطه البصل علي الارز تنزلي في الفرن حراره 250 لمده ساعه تقريبا
خلصت حبيباتي
اتمني موضوعي يكون نال اعجابكم ومعاكم في اي استفسار
في امان ارله مواضيع هذا القسم برعاية
ولادي زهور حياتي ولادي زهور حياتي 597594_5.gif فتكات ست الكل Fatakat 597594 القاهره – مصر