السلام عليكم يا قمرات
اول حاجة بوجة الشكر للقائمين على المسابقة
المشرفة العامة
مدام soso1234
وكمان بشكر مشرفتنا الجميلة
نعمة من ربى
على مجهودها الرائع فالمسابقة
وبشكر كمان كل المشتركات وبقولهم شغلكم فعلا رائع والف مبروك
وبشكر كمان كل اللى صوتولى ووصلونى للمركز الثانى
انا طبعا عملت سفرتى للفطار
كانت عبارة عن معجنات وبيض ملون وترمس
اولا المعجنات
(هنا بوجة شكرى للشيف لطيفة لانى اتعلمت اظبط المعجنات منها ومن اول مرة ربنا يجزيها خير ويفرح قلبها)
المقادير
كيلو دقيق
4 اكواب ذبادى الواحد حوالى 75 جم
كوب زيت اللى هو نفس بتاع الزبادى
وكوب ونص سمن بنفس كوب الزبادى
ماء دافئ للعجن
خميرة معلقتين كبار
معلقتين سكر
ذرة ملح
سمسم محمص
بيضة
الطريقة
هنجيب الخميرة فى نصف كوب مية دافئ ومعاة معلقتين السكر ومعلقتين دقيق
نقلبهم كويس ونسيبهم فمكان دافئ يخمروا
هننخل الدقيق ونحط ذرة الملح
وننزل علية الذبادى والخميرة ونقلب كويس بايدينا
بعد كدة هنضيف الزيت والسمنة ونعجن كويس انا عجنتها حوالى ربع ساعة لو اكتر يبقى كويس
لحد ما تحسى انك جالك ابو الكتاف ههههههههههههههههه
هنا بعد ما لمينا العجينة
تاخديها فحضنك وتنزلى على الارض تفضلى تعجينى وتلتى حوالى ربع ساعة او اكتر
لحد ما يجيلك ابو الكتاف هههههههههه
هتلاقيها لونها فتح معاكى ونعمت تركنيها تخمر شوية على ما تجهزى الصوانى وتروقى مطبخك
هنا بعد ما خمرت
التشكيل
هتدهنى الرخامة وتشتغلى عليها
انا عملت كذا شكل
هنا مككن بدل العجينة اللى فالنص نحط اى حشو ممكن عجوة مفرومة اى حاجة تحبيها
هنفرد العجينة زى الدايرة بالنشابة ونقطعها مثلثات
ونحط فقاعدة المثلث اى حشوة انا حطيت جبنة ونلف عادى
هنا بردوا دة شكل
هنفرد العجينة على شكل مستطيل
وهنحط فالجز اللى مش مفتح دة جبنة او عجوة ونلف
تسيت اصور جزء الحشو معلشى
دة شكل البريوش بتعملى شريط من العجينةتقطعى بالسكينة من طرف زى الصورة
وبعد كدة تلفية بيديكى شكل وردة
هنسيب العجينة تتخمر حوالى ساعة وبعد كدة هنجيب بيضة مع معلقة زيت
ونضربها كويس ونلمع بيها الوش
ونرش سمسم وحبة البركة
هنسخن الفرن ونهدية على درجة حرارة 180
وندخل الفرن لحد ما الوجة يحمر
مواضيع هذا القسم برعاية
مستجابة الدعاء مستجابة الدعاء 649029_12.gif يارب وفقنى لكل خير Fatakat 649029 بيتى جنتى – مصر