كلنا بنحب العزايم ونحب نعمل عزومات طب ليه مانعملش عزومة لنفسنا يعنى عزومة لاسرتك الصغيرة ومش لازم تكون مكلفة ولا حاجة المهم يحسوا انهم فى عزومة
المهم انا هقدملكوا عزومة بسيطة كدة معظمه والاساسى فيها الخضروات
الصنف الاول
صينية البطاطس البيوريه باللحم المفروم
الصنف الثانى
الصنف الثالث
الخضروات المقرمشة بالثوم
اولا صينية البطاطس البيوريه باللحم المفروم
تغسل البطاطس كويس بقشرها وبعدين تسلق وتبرد وتقشر ثم تهرس
بالنسبة للعصاج بتاعى بيطلع تحفة انا بطلع اللحمة من الفريزر واكون حطة البصل المبشور مع معلقة سمن فى الحلة وعليهم اللحم وهو مجمد واوطى النار عليهم واغطى الحلة وكل شوية اقلب لحد مالونها كله يتغير اضبط الملح والفلفل واكمل سوا وفى الاخر لازم اسيب شوية بهريز يعنى ما انشفهاش ع الاخر
فى صينية ادهن سمن وافرد نص البطاطس المهروسة وعليها طبقة العصاج وبعدين النص التانى من البطاطس وع الوش بقسماط مع جبن رومى مبشور و ع الفرن
وكدة خلصت الوصفة دى
ثانيا كفتة الخضروات
هو الاساس خضار بس انا ضيفت عليهم لحم مفروم يطعمه لكن ممكن تستغنى عنه
بنبشر الخضروات كلها البصل والجزر والبطاطس والمفروض كوسة بس انا ماضيفتهاش وضيفت بدلها قليل من اللحم المفروم
وعيش فينو مبلول ومعصور كويس جدا جدا للكمية الى قدامك دى احتجت رغيف واحد
نضيف ملح وفلفل وتوم بودر وبابريكا وبهار لحم ونعجن كويس
ونشيلها فى التلاجةتمسك نفسها وبعدين نصبعها ونرصها فى صينية مدهونة وع الفرن
وكدة خلصت الوصفة دى
ثالثا الخضروات المقرمشة بالتوم
نقطع البطاطس مكعبات والجزر شرايح صغيرة عشان يستوى والفلفل الاخضر ولو عندك كمان كوسة بس انا ماحطتش ونضيف توم مدقوق وكمون وملح انا بحب التوم كتير
نقلبهم فى الزيت زى ماشايفين كدة وع الفرن الساخن
كل شوية نقلب بمعلقة خشب ويفضل فى صينية تيفال
لحد ماتاخد لون وتستوى وتبقى مقرمشة من برة وطرية من جوة
دى بقة ريحتها بتجيب لاخر الشارع وبتفتح النفس جدا لازم تجربوها
وكدة خلصت الوصفة دى وادى صور العزومة كلها حاجة بسيطة بس تغيير
فى امان الله ولا تنسوا التقييم[/quote]
مواضيع هذا القسم برعاية
ام هاجر و عبد الرحمن ام هاجر و عبد الرحمن images/avatars/peppers.jpg سوبر فتكات Fatakat 423655 دمنهور – مصر