ازيكو يا كتاكيت
عاملين ايه يا رب تكونو بالف خير وسعاده وربنا يكتب الخير والسعاده والاستقرار لمصر ولكل بلدان العرب والمسلمين
انهارده عامله لكم وصفه حلوه للمسقعه وخفيفه جدا ولذيذه لا تحمى على القلب ولا فيها كميه زيوت كبيره وهتعجبكم ان شاء الرحمن نبدا بالمقادير
باذنجان رومى
فلفل رومى الوان واللى تحب الحامى ممكن بس انا عندى اطفال هياكلو معانا فاتحرمت من الحامى ههههههههه
مشروم طازج انا بصراحه بجيب الطبق من اى سوبر ماركت واشيله بحاله فى الفريز واطلعه اعمل منه عادى كانه لسه جايباه ولو مش متوافر ممكن تستعملى المعلب يا فتوكه
توم مفروم وبصله متوسطه برضه هنفرمها وكوب طماطم معصوره ومعلقتين كبار صلصه معلبه (معجون) على فكره انا برضه برطمانات الصلصه باشيلها فى الفريزر واطلع استعملها واشيلها تانى عشان ما تفسدش
الطريقه يا بنات
نقطع الباذنجان لو حابه تقشريه ممكن بس انا بحب اعمله بدون تقشير
ونقطع برضه الفلفل والمشروم على فكره انا عملت حوالى 6 حبات من المشروم يعنى اكتر من اللى متصور وعلى حسب حبك لطعمه
الفلفل الملون وهو متقطع
بصو بقى يا بنات انا مش باقلى الباذنجان استحاله انا باشويه تحت الشوايه او فى الفرن الكهرباء وبمعلقتين زيت لا اكثر
ولا تلاقى بقى المطبخ اتملى دخان ولا طرطشه للزيت ولا تاكلى من هنا وصدرك يحمى عليك نووووووووووووووووو ابسلوتلى ههههههههههههه خفيفه جدا
بصو يا قمرات باجيب صينيه الشوى حماله الاسيه ادهنها بمعلقه زيت وارص الباذنجان واشويه فى الشوايه كده
طبعا بادهنه خفيف بالزيت
وطبعا باقلبه واهو بعد ما استوى واحسن من المقلى
وطبعا نفس الكلام الفلفل
وده شكل الخضار بعد ما استوى
نعمل بقى الصوص فى المشاركه الجايه يا قمرات استنونى وما حدش يرد ولا حد يخرج الا لما نخلص الطبخه مع بعض
مواضيع هذا القسم برعاية
ام حور كاتى ام حور كاتى 450855_13.gif مشرفة الموقع Fatakat 450855 القاهره – مصر