ازيكوا يا قمرات
الايام دى يا عرايس عارفين انها ايام موسم للزواج وانا عارفة ان كل عروسة بتبقى ملبوخه فى جهازها وتيجى للمستلزمات الشخصية ليها ممكن تنسى حاجة عشان كده حاولت على قد ما اقدر ان اجمعلكوا ايه اللى كل واحدة محتاجاه فى جهازها من حاجات شخصية ويارب التوبيك يعجبكوا
ودعوه منكوا حلوة ليا بقا ان ربنا يتمملى زواجى على خير
الميكب ومستلزماته1- علبة المكياج الكبيرة ودى يابنات بنحتاجها اكتر كديكور للتسريحة لكن لو بصينا للعملية فأنا بفضل المكياج السايب بتبقى جودته اعلى وسهل تاخدية معاكى فى اى مكان2-كريم الاساس
3- كومباكت بودر ودى البودرة المضغوطة اللى بستعملها مع كريم الاساس
4- لوس باودر وممكن تستغنى عنها وتجيبى مكانها بودر ملمع للوجه
5_علبة الايشادو 
6- روجاجو 
7– فرشة روجاجو
8 اقلام تحديد الشفايف
9- اصابع روج وده تنوعى ما بين السائل والعادى يعنى هاتى 3 سائل و4 عادى
10- ملمع شفايف
11- ماسكارا وده نوعى ما بين الشفاف والاسود والازرق
12– ايلينر وده معروف منه الاسود بس طالع يابنات الايلينر الملمع بيبقى الوان جليتر هاتى منه فضى ودهبى
13- أقلام كحل
14-مانيكير واستون
15- جليتر بودر للجسم فضى ودهبى
16- بودر مائى
17- مزيل ميكب
بنت دمياط بنت دمياط 443755_3.gif فتكات رائعة Fatakat 443755 دمياط – مصر