أنا حبيت اعمل الموضوع لانى لقيت عرااايس كتيييير بيسألوا عن المفروض يجيبوه من لبس وماكياج وبرفان وشاور ولوشن نجيب نوع إيه وكام واحد والأسعار وكدة.
وبما أنى عروسة جديدة قلت أفيدكم من خبرتي في الشراء اصل طلع عيني في التجهيز ههههههههههههه بس والله يتبقى حاجات جميلة وليها إحساس جميل كل ماتجيبى صباع روج أو بجامة مثلا بيبقى نفسك تجرى الأيام وتتجوزي بسرعة عشان تلبسي البجامة وتحطي من الروح وتحطي التوكة ديه وأحط من المنوكير ده وكدة والله إحساس جميل يارب ماحدش يتحرم منه أبدا ويرزق كل البنات بالزوج الصالح
وأكيد ديه حاجات تستاهل لان عريسك بعد الجواز مابيهتمش بالستارة ولا بالحلة اللي انتى جيباها زى مابيهتم بمظهرك طبعا وانتى في البيت وانك تكوني امرأة جديدة كل يوم على رأى لوكس ههههههههههههههههههههههه
وطبعا أنا مقصدش انك تهملي بقيت الجهاز لأ طبعا اقصد انك تهتمي بالحجات الرفيعة ديه زى باقي الحاجة طيب يبقى أحنا دلوقتى هنعمل إيه
أولا: هنتكلم عن متطلبات تعطير وترطيب الجسم(اللي هي طبعا الشاور واللوشن والبرفن)
ثانيا: هنتكلم عن الماكياجات.
ثالثا: هنتكلم عن اللبس(ويشمل لبس البيت والخروج)
وهنتكلم عن أسعارهم وأماكن شرائهم كمان وامتى نجبهم.
وأي حد عنده سؤال منكم أو استفسار أنا تحت الخدمة
وربنا يوفق كل عروسة(يارب)
إيه رأيكوا الموضوع يستاهل أكمل ولااااااااااااااااااااااااااااااااااااا
أنا مستنية مشاركتكم مش هكمل من غير تشجيع وأحس إن فيه حد منكم ممكن يستفاد من الكلام ده
بس ليه عندكم طلب ادعولى بالذرية الصالحة المعافاة عاجلا ليس أجلا
مشاركات هامه
26
32
34
30
63
103
181
بسكوتة2017 بسكوتة2017 فتكات متميزة Fatakat 271854 القاهرة – مصر