[size="5"][color="Indigo"][b]
المقادير
باذنجان ابيض و فلفل و كوسة و ورق عنب و ورق كرنب و اي حاجة تانية تحبي تحشيها
ارز و طماطم و خضرة كسبرة و شبت و بقدونس و بصل كتير و زيت و زبدة
ملح و بهارات و فلفل اسود و كسبرة ناشفة و شطة للي يحب
الطريقة
اول حاجة بنعصر الطماطم و نحطها علي النار تتسبك لحد ما تنشف منها المية خالص و علي ما تتعمل نجهز باقي الحاجة
نقور الخضراوات و نسلق ورق العنب و الكرنب و ننضف الخضرا و نغسلها و نقطعها و نجهز البصل انا باعمل المقادير كالاتي 2 كيلو رز باحطلهم 3 كيلو طماطم و كيلو بصل و 6 حزمة كسبرة و 6 حزمة شبت و 3 حزمة بقدونس
كده جهزنا كل حاجة نشتغل بقا
نقطع البصل و نحطه علي النار مع شوية زيت لحد ما يدبل
نضيف البصل للصلصة بعد ما تكون نشفت منها المية و نقلب
نضيف التوابل فلفل اسود و بهارات و كسبرة ناشفة و شطة زي ما تحبوا و تحطيهم بقا بالمقدار اللي يريحك انا باحب اكتر البهارات و الكسبرة الناشفة شوية و طبعا الملح لازم يكون مظبوط يعني ما ينفعش نقلله و لا نزوده
بهد كده نضيف لهم قطعة زبدة محترمة و جربي الطعم و ادعيلي
بعد كده نضيف الخضرة
و نكون غسلنا الرز و نصفيه كويس من المية و نضيفه علي الخلطة و نقلبهم كويس و نطفي النار
كده بقا نحشي المحشي انا باعمل كذا حلة اصله محشي و كركبة يوم المحشي لازم نرتاح بعد كده علي قفاها يوم كمان كل حلة باحشيها بتكون علي قد غدانا في اليوم بس عشان انا باحب اسويه قبل الاكل علي طول و باعمل في الحلة الواحدة كل الانواع باحشي الاول البتنجان و الفلفل و الكوسة و احطهم تحت و علي الوش باحط ورق العنب و الكرنب
بعد كده باحط شوربة بس مش كتير علي قد ما توصل لتلت الحلة بس تكون الحلة مليانة محشي و باحط علي وشه طبق قبل الغطا عشان ما فيش حاجة تفك و هو بيغلي و اسيبه يغلي شوية حلوين و بعدين اهدي النار و ده شكله النهائي و الف هنا
اه انا حمرت معاه ديك ابن حلال عشان الاكلة تكمل
[IMG]https://files2.fatakat.com/2016/7/13117633376836.jpg[/IMG]
مواضيع هذا القسم برعاية
molo_s2016 molo_s2016 277585_1.gif فتكات رائعة Fatakat 277585 القاهرة – مصر