السلام عليكم ورحمه الله وبركاته
يارب كل البنات والعرايس المتلخبطين زى حلاتى يلاقو اللى يقف معاهم بعد ربنا سبحانه وتعالى
بلاش رغى وندخل ف المهم
بصو المفروض فرحى فالصيف ان شاء الله
مفروض اجيب الاجهزة من دلوقتى عشان بتنزل فى الشتا شوية
بس سمعت انها هترفع على اول شهر يناير زى كل حاجة فى الدنيا ما هتغلى _ منهم لله
المهند
انا قررت اجيب بوتجاز يونيفرسال 5 شعلة
او i cook الجديد دا كل الناس بتقول كويس
وتلاجة ال جى او توشيبا نوفروست
اما بقى الزفته الغسالة ولا رسيت على اى حاجة
بس قررت هجيبها فول اوتوماتيك لان الفوق اوتوماتيك دى حساها مش بتاعه سنين
رغيت كتير انا عارفة
بس مليش غيركم احكيلة وتشورو عليا
اصل اخواتى البنات خيبة السنين بعيد عنكم ووالدى ووالدتى رحمه الله عليهم وعلى جميع موتى المسلمين
اللى تعرف حاجة عن الاجهزة دى سواء عيوب او اسعار بس ياريت تكون من نفترة قريبة
انتو عارفين الاسعار بتتغير بسرعة اوى
او تقولولى انواع اجهزة افضل منها بس عن تجربة شخصية لانى بثق فى الفتوكات بس
معلش طلب اخير
الشفاط اللى فوق البوتجاز دا عملى ولا اى كلام ياريت اللى مركبينه يقولولى
وبيتعمل حسابه قبل ما يركب ع منكسرش والكلام دا ولا ساهل فى التركيب؟؟ وياريت سعره واحسن نوع فيه
اسفة جدا على الاطالة
جزاكم الله خيييييييييييرا
يارب يفرحكم والسنة الهجرية دى تكون خير على المسلمين جميعا
الكتكوتة2016 الكتكوتة2016 235417_2.gif فتكات هايلة Fatakat 235417 sohag – Egypt