السلام عليكم ورحمة الله وبركاته
انا ترددت كتير انى اكتب او لا بس انا عايزة افهم
انا بنت صغيرة من طفولتى وانا بعانى من مشاكل اه كانت مشاكل بسيطة لكن لحد دلوقتى اثرت عليا من سنتين تقريبا اكتشفت ان عندي
مشكلة يعتبر ملهاش حل غير من عند ربنا .. من طفولتى اللى عمري ما عشتها لاسباب كتير اقولها بعدين مكنتش عادية دايما كنت بسمع اغانى حزينه مصطفي كامل !! اعيط كتير كان فى مشاكل اهل طبعا وطلاق ومرمطة بين ام واب وضرب وعمري ما هنسي لسه فاكرة كل لحظة من الايام دي وكنت لسه ف الحضانه ! بس فاكرة طبعا لو حكيت من هنا للسنة الجاية مش هخلص بس اللى عايزة اوضحهولكوا انى حياتى صعبة من صغري انا عندي مشاكل نفسية كتيرة جداا جدا جدا لا تعد ناس كتير تفكر انى بتعالج بقي وباخد ادوية ومش ف وعيي وكلام من ده كأني مجنونة بس ليه الناس مش بتفكر ان التعب النفسي ممكن يموت ويقضي على حياة الانسان اكتر من المرض الجسدي
اكلمكوا عن المشكلة اللى مدايقانى وزايدة معايا
انا حاسة انى بتوهم .. يعنى بيتهيالى حاجات بس مبكونش حاسه او عارفة
يعنى مثلا انا عندي مشاكل كتيرة ف البيت معايا واكتر حد بيكون امي ..لاسباب معينة..
فا انا ببقى شايفه ان هي بتقولي كلام يتعبنى وبتعمل حاجات تاثر على نفسيتى جدا ولما بزعق او نتخانق او حتى كلام عادى واشتكى واقولها او اقول لاهلي عمتا على اللى بيعملوه معايا وبيتعبنى وان هما ليهم سبب فى دمار نفسيتى ردهم بقي بيكون اييييييييه؟؟؟؟
انى اناا اللى بقولهم كلام يدايقهم ويتعبهم و تصرفاتى محدش يتحملها وكللللللللل اللى هما بيعملوه انا بعمله !!!
ف الاول فكرت عادى ان اهل ومن زمن غير زمنا وكلام زى كلام كتير يعصب ويدايق وخلاص
بس بعد كده الكلام ده اتكرر مع قريبتى واني شايفه ان اللى هي بتعمله معايا وبيتعبنى انا اللى بعمله !
حاليا الموضوع ده بقي مع كلل الناس او الناس اللى قريبة مني وداخله فى حياتى شوية
انا كنت بقول الناس عايزانى مجنونة بس انا بقيت مرعوبة انا بجد بتوهم؟؟!!!!
ازاى !! ده انا ببقي شايفه اللى بيعملوه وبيقولوه ده حقيقي زي ما انا بكتبلكم دلوقتى ده حقيقه
انا الموضوع ده تاعبني جداا جداا فوق ما تتخيلوا وارجوكوا حد يساعدني اسفه انى طولت عليكم بس حد يفهمني يقولي ده قولوا رأيكم اي حاجة متحسسنيش انى بقيت مجنونة !!
بعد اذنكم اللى هيدخل وميكتبش رد بلاش يقرأ الموضوع اصلا
ف امان الله
I Lost mY LifE I Lost mY LifE 415027_8.gif فتكات هايلة Fatakat 415027 بورسعيد – مصر