طبعا الذرية رزق من ارزاق ربنا ….ربنا يدينا ويديكم ….
باختصار عشان مطولش عليكم انا محتاجة رأى ذوات الخبرة في الاععراض دى
اولا انا دورتى منتظمة ولله الحمد طولها 28 يوم يعنى بالحسابات المنطقية تبويضى ممكن يكون يوم 14
انا بقي حقلكم الاعراض اللي بدأت تظهر عليا بداية من يوم 14 ولحد الان:
1-الم اسفل البطن جهةاليسار بس مش تقلصات هو بالظبط حرقان
2-في نهاية عمليه التبول بحس بالم في عضله خروج البول
3-عدم ارتياح كامل بعد التبول
4-ظهور قطرات من الدم لونه بنى غامق صريح ودة تحديدا كان يوم18 يعنى بعد التبويض ب 4 ايام
انا كل دة كان ظنى انها حصوة في الكلى او الحالب
عملت تحليل بول طلع مفيش اى مشاكل
بس قبل التحليل كان في حاجات تانية معلش استحملونى
5-الام بالثدى عند الضغط عليه وكبر حجمه بشكل ملحوظ
6-خمول وكسل ونهجان حتى لو مش بعمل مجهود
7- اضطرابات في النوم يعنى انام فجاة بس اصحى خلال ساعات قليله جدااا ومنمش تانى (بالنسبة لى ارق لانى اعز النوم زى عنيا في العادى )
8-احيانا غثيان
9-بحس بعض اوقات انى حرانة (المرات بتزداد تدريجيا)
10-الام بالظهر بتظهر وتختفي (اسفل الظهر)
11-الام خفيفة تشبه الام الطمث
12_افرازات لونها مصفر واحيانا مالهاش لون بس كميتها عادية
13_اكتئاب وعصبيةورغبة في البكاء بس يمكن عشان جوزى سافر امبارح بس قلت اهو الشئ بالشئ يذكر
14_صباح اليوم مغص عادى بالبطن على جانبى السرة
دة تقريبا كل شئ بالتفصيل مع العلم ان الدورة الجايه موعدها يوم 7/5
يعنى بعد اسبوع
بالمناسبة انا اجريت تحليل بول مالقتش فيه اى مشاكل لا املاح ولا صديد
وانا مباخدش اى ادوية من اى نوع علي فكرة وتحديدا في الفترة اللي فاتت
قولولى بالله عليكم دة ممكن يكون مؤشر لحمل باذن الله؟؟؟؟؟
بصراحة سفر جوزى مأثر على نفسيتى اوووووووى وعاملة زى الغريق اللي بيتعلق بقشة
دعواتكم معايا وربنا يرزقنا جميعا فادر كريم
fart el roman fart el roman فتكات متميزة Fatakat 818619 الاسكندرية – مصر
سبحان الله و بحمده