انا بقيت تايهة ولا عارفه انا عندي حاجه وللا جوزي هو اللي عنده ولا ايه السبب في تأخير الحمل وتعبت من كتر الدكاتره وجوزي بقى بيكرة سيرة الادويه والمرواح للدكاترة
الاول عملت تحليل هرمونات والحمد لله طلعت كويسه
وبعدين حصل ان كان بينزل دم مش في معاد الدورة ولا التبويض ورحت لدكتور قاللي قرحه وكان عايز عملية وماروحتلوش تاني
وبعدين روحت لدكتور بيقولوا شاطر جدااا عمل سونار عالمبيض قاللي ما شاء الله كويس جدا واداني 4 حقن تنشيط وتفجير ومعرفش ايه وقاللي تعاليلي كمان 10 ايام
روحتله تاني عمل سونار وقاللي الحمد لله البويضه خرجت .. قاللي ماتجيليش تاني غير لو حصل حمل.. ولو ما حصلش عيدي الحقن تاااااني
المهم ماحصلش حمل الحمد لله على كل شئ.. بس مارضيتش اخد منشطات تاني
استنيت الشهر اللي بعده كمان اللي هو المرة دي.. الدورة جت قبل معادها ب 4 ايام ونزلت بني وقليل جدا وبدأت تنزل طبيعي جدا في اليوم اللي كان المفروض تنزل فيه .. المهم فيه دكتورة شكت ان يكون ده لخبطه بسبب هرمون الحليب يكون عالي
عملت تحليل وطلع 11.17 واعتقد دي نتيجه كويسه…
كلمت الدكتورة قالتلي هي كويسه بس بردو ممكن تكون سبب في منع الحمل لأن ممكن طبيعة جسمك يكون بيحمل على نسبه اقل من دي
المهم طلبت مني امشي على دوا اسمه لاكتوديل كل يوم نصف حباية لحد معاد الدورة الجايه
وقالتلي تاخدي دوا اسمه سيكلوبرجنوفا عشان ينظم الدورة مع انها منتظمه عندي بس المرة دي لأ
وطلبت مني تحليل بروجستيرون في اليوم ال 20 من الدورة عشان ممكن يكون قليل
وكانت طالبه مني قبل كده تحليل من زوجي وعمله وهو راجع من شغله الصبح وكان سهران طول الليل في الشغل عشان الشيفت بتاعه وكان داخل على نزلة وحرارته عليت جدا ومع ذلك النتيجه الى حد ما كويسه
بس في النتيجه كان فيه حاجه اسمها لزج بالانجليزي فا الدكتورة قالتلي لا حليه ياخد بايسلفون عشان يخلي السائل خفيف شويه مش لزج
وطلبت مني اخليه ياخد دوا يزود عدد الحيوانات شويه .. هي قالتلي انه نورمال بس لو زاد شويه يبقى كويس
انا مش عاااااااااارفه اعمل ايه خايفه يكون فيه حاجه تانيه واحنا تايهين عنها بجد تعبت نفسيا
انا بقالي 6 شهور متزوجه
وياريت لو سمحتوووووووووا ماحدش يقوللي ايه ده انتي لسه عروسه حرام عليكي مستعجله على ايه
انا من حقي اخاف واقلق واستعجل كمان .. انا مش صغيرة عشان كده نفسي ربنا يكرمني على طول بالحمل بالله عليكم اللي ماتعرفش حاجه تدعيلي من قلبها واللي تعرف تفيدني تقوللي وتهديني شويه
LoOoly LoOoly 549548_3.gif فتكات هايلة Fatakat 549548 Alb 7abibi 🙂 – مصر حبيبتي