على الرغم من اهميه اشعه الصبغه ،الا ان بنات كتير جدا بيخافوا منها
مع العلم انها وسيله هاااامه جدا من وساءل تشخيص اسباب تاخر الحمل
سواء كان تاخر الحمل اولى او ثانوى…
وكنت سمعت من دكتور قبل كده انها يفصل انها تتعمل بتخدير كلى لانه فى بعض الحلات قد تصاب المريضه بتوتر والتوتر ده بيخلى يحصل عندها زى تشنج كده فالصبغه ممكن ما تعديش فى الانابيب بصوره طبيعيه فتظهر الانابيب كانها غير سلييمه
مع انها فى الواقع سليمه…
كمان فى دكاتره بتقلل من اهميتها اصلا وبيقولوا ان اللى بيبقوا محتاجين يعملوها فعلا
السيدات اللى سبق لهن اجراء عمليه فيح بطن (مثل عمليه الزاءده الدوديه،او الولاده القيصريه)
وبالفعل الحالتين دول خاصه او اى عمليه فتح بطن بشكل عام لازم يتعمل بعدها اشعه صبغه لبيان
ما ازا كانت العمليه خلفت وراءها التصاقات ف الانابيب او الحوض ام لا…
لكن اسمعوا بقى كلمه من الدكتور عادل فاروق البيجاوى انا سمعتها منه بنفسى فى برنامجه فى التلفزيون وحبيت اقلها لكم
هو قال ان مش بس العمليات اللى فى منطقه البطن هى اللى ممكن تسبب التصاقات فى الانابيب او الحوض
قال لا ده فى سبب كمان ممكن يحصل مع ناس كتير،وهو ان الزوج يكون مصاب بصديد او ميكروب تقريبا فى البول ويكون عنده عرض بسيط بصوره عابره ويخف منع عادى عباره عن حرقان بسيط ويخف منه بسرعه، بس المشكله انه بيكون الزوجه اتعدت بالمكروب ده من العلاقه الزوجيه والمكروب ممكن يدخل لغايه الانابيب ويعمل فيها التهابات والتصاقات وتتقفل…
واحده كانت متصله بيه وقالت له ان الدكتور شاف فى اشعه الصبغه بتاعتها اثر لالتهاب قديم فى الأنابيب عامل لها التهاب بسيط وكتب لها مضاد حيوى،ف الدكتور عادل قال لها:ان المضاد الحيوي ملوش اى لازمه ف حالتها لانه كده ولا كده ده مجرد اثر للالتهاب يعنى الاتهاب ده كان زمان حاجه وراحه خلاص وان اكنت تركت اثر بس المضاد خلاص اصلا لا هيقدم ولا هياخر اى حاااااجه ..
كمان سمعت من الدكتور هشام الشاعر فى برنامجه بردو بيقول
ان اشعه الصبغه ممكن تبين ان الانابيب سليمه وزى الفل
وهى تكون كده فعلا، لكن ممكن تكون المشكله ان الخطافات اللى هى بتلتقط البويضه بعد خروجها من المبيص تكون بعيده عن فوهه الانبوبه، ومش بتقدر توصل للبويضه عشان تلقطها وتدخلها على الانابيب ف مش بيحصل حمل،،،الله طب ممكن واحده تسالى وتقول :يبقى كده اشعه الصبغه مش مفيده اصلا ولا ايه
لما ما بينتش موصوع الخطافات انها بعيده عن فوهه الانابيب
الدكتور هشام قال :دى حاجه استحاله تبينها اشعه الصبغه لانها بتتحقن من تحت وتمشى ف الانابيب وتبين ان كانت سالكه ولا لا،انما موصوع بتاع الخطافات ده مش بيبان غير بالمنظااااااااااااااار فقط
يعنى لو المريضه عملت اشعه بالصبغه وطلعت تمام والانابيب زى الفل رغم كده محصلش حمل لفتره
يبقى المفترض انها تعمل منظار بطنى ورحمى للاطمنان…
يعنى باختصار انا حبيت افيدكم ان اشعه الصبغه دى مهمه جدا فى تشخيص اسباب تاخر الحمل
كمان قلت لكم اهميتها للى ما حملتش او للى ولدت قيصرى ومتاخره ف الحمل التانى
(يعنى للى عندها تاخر حمل اولى او ثانوى)
والمطلوب من كل واحده متاخره ف الحمل انها تمشى على الخطوات الصح وما تقللش من اهميه اى خطوه ف التشخيص لاسباب تاخر الحمل
ولازم تبقى الخطوات صح وبالترتيب
وان شاء الله ربنا يكرم الجميع
لو الموصوع عجبكم فصلا وليس امره
ادعوا لى ان ابنى يكون زريه صالحه وان ربنا يكرمنى بأخوه صالحين له
sokkar nabat sokkar nabat 202434_55.gif Fatakat 202434 ♥♥حضن جوزى وابنى حبايبى♥♥ربنا يخليهم لى ويبارك لى فيهم♥♥ – ◘◘بيتى اللى هو مملكتى الصغيره◘◘