{ السلام عليكم ورحمة الله وبركاته}
سالخيييييييييييييييير عليكوا يا حبايبي وحشتوني موووووووووووووووووز 
اما انا النهاردة بقي عملالكم حتة اكله انما اييييييييييييه تستاهل بؤكم بصحيح ولا تقولولي بقي اكل المطاعم ولا معرفش ايه
وجربوا تعملوا الاكله دي وقدموها بشكل لذيذ كده واتحداكم لو حد عرف انكم انتم اللي عاملين الاكل ده في البيت والله ماما كانت حتجنن من طعامة الاكل وحلاوته سمعاكي ياللي بتقولي بطلي ررررررغي بقي واتكلمي في المفيد ههههههههههههههههه 
حاضر حاضر يالا بينا ندخل عالمكونات والمقادير والصور ونقوووووووووووووووووووووووول { بسم الله الرحمن الرحيم}
اولا : المكونات
{ فرخة متقطعه 8 قطع 2 بيضه 6 معالق من خلطة الدجاج المقرمش الحار او البارد ملح }
ثانيا : الطريقة
غسلت الفرخة كويس بالدقيق والملح وبعدين غسلتها بالميه وحطيت عليها ليمون وخل وسيبتها شوية وبعدين غسلتها بالميه كويس قوي
وبعدين جبت حله وحطيت فيها ميه وعالنار عدل واول ما غليت حطيت الفرخة علشان اسلقها وحطيت علي الشوربة بتاعتها ملح وفلفل اسمر بسيط جدا ومكعب مرق وبهارات ولو كان عندي ورق لورا كنت حطيت بس للاسف كان خلص من عندي
وبعد ما سلقت الفرخة صفيتها كويس جدا من الشوربة وغمستها في البيض وبعدين بطنتها بخلطة الدجاج وحمرتها في زيت غزير وطبعا لازم الزيت يكون سخن بس ابقوا خلوا بالكم من الزيت لحسن يتحرق منكم
طريقة عمل الارز بالبصل والزبيب والكاري :
اولا : المكونات
{ نص كيلو رز بصله ملح زبيب معلقة صغيرة كاري زيت او سمن}
ثانيا : الطريقة
حطيت حله عالنار وبعدين حطيت الزيت واول ما الزيت سخن حطيت البصل وفضلت اقلبوا لغاية ما لقيتوا ابتدي يدبل حطيت الكاري وقلبتوا ورجعت حطيت الزبيب حمرته مع البصله وبعد كده حطيت الرز وفضلت اقلبوا مع البصل والزبيب لغاية ما اتحمر
حطيت الشوربة وظبطت الملح وغطيت الحله وسيبتوا يستوي علي نار متوسطة ومن وقت للتاني كنت ببص عليه لو لقيتوا محتاج يتزود شوربة كنت بزودوا
اولا: المكونات
{ 8 فصوص ثوم مطحون 4 معلقة خل 2 أبيض بيض 3 كوب زين نباتي معلقة مسترده ملح – فلفل اسمر }
ثانيا: الطريقة
ناخد الثوم المطحون ونضعه في الخلاط وبعدين نضع عليه بياض البيض وبعدين المستردة والملح والفلفل اسمر بسيط ولو مش عاوزة تحطي فلفل اسمر مش لازم وبعدين الخل وبعدين نشغل الخلاط ولما نلاقي الخليط بقي متجانس شوية ننزل عليه بالزيت سرسوب رفيع ونسيب الخلاط شغال لغاية ما الخليط يتجانس وبعدين نغرفه
واااااااااااااااااخر حاجة عملتها بطاطس محمره وطبعا طريقتها سهله وبسيطة
لو عجبكم الموضوع يا فتاتيك قلبي من جوه بالله عليكم تدعولي انه ربنا يتمم لي فرحي علي خير وانه ربنا ييسرلي الامور انا وخطيبي ……. وحاجة اخيرة كمان معلش 
لو شايفين انه موضوعي بجد يستحق التقييم قيموه 
{بحبكم في الله}mas-toom
https://content.sweetim.com/tbsig/sig.asp?img=ad1 مواضيع هذا القسم برعاية
mas-toon mas-toon 537027_9.gif فتكات ست الكل Fatakat 537027 قلب جوزي حبيبي ورح قلبي – المملكة العربية السعودية