يارب تكونو جميعا بخير وفى احسن حال
رمضان كريم عليكم وعلينا اللهم آآمين
فى حاجتين حبينا ننوه عنهم ونعرفهم ليكم يا حبايبى
اكيد لاحظتم ان من فتره التجمعات مش موجوده
أولا :
تم نقل كل تجمعات القسم اللى كانت موجوده من قبل الى داخل فرع الاستشارات الطبيه
علشان القسم بقى بجد كله على بعضه مواضيع على اسئله على تجمعات يعنى
سمك لبن تمر هندى
وكان اى حد يدخل القسم يتوه فيه
فحبينا طاقم الادارة اننا نسهل عليكم البحث وكمان نجمع التجمعات مع بعض فى مكان
عقبال يارب ما يكون ليها فرع خاص بيه وهذا ما نتمناه
ويكون شكل القسم احسن
ثانيا :
اى سؤال بيكتب فى القسم هنا بيتم غلقه وتلاقى الايقونه دى
طبعا سبب غلقنا للمواضيع هوا ان فى فرع خااااااااااااص للاستشارات وفى دكترة جوه وكمان ذوات الخبرة بيردو على استشاراتك وكمان لقينا اللى بيكتبه سؤاله جوه فى
الاستشارات وكمان بره فأكيد ده كله بيتوه العضوات وبيخلى المواضيع تدخل فى الاسئله ومش باينين من بعض
فأى موضوع هيكتب فى غير مكانه المناسب هيتم غلقه ومفيش زعل من الحق والحاجه الصح ولا ايه يا حبايبى
فعذرا بلاش تزعلى احنا همنا فى الاول والاخر هوا ان القسم يكون مناسب ليكى وتعرفى تلاقى كل اللى انتى عيزاه فيه
ياريت يكون وضحت الرؤيه
ياريت يكون كل شئ على قدر المستطاع بقى تمام
بحبكم فى الله
نغنوش قلبى نغنوش قلبى 172683_32.gif مشرفة الموقع Fatakat 172683 المنصورة – مصر