السلام عليكم
ازيكم يا احلي بنات
وحشني القسم كنت بقول مش هاجي تاني بس اهو جيت بقى
انا يا بنات اتاخرت ف الحمل سنه وشويه
اول كشف ليا عند الدكتورة قالتلي ان عندك قرحه ف عنق الرحم
و ممكن تاخرلك حملك
انا طبعا قلت هكويها بس للاسف محدش رضى يكويهالي
و قالولي ان الكي دا قديم
و قالولي كمان انها مش بتمنع الحمل و لا حاجة
فانا شلتها من دماغي و قلت مدام الدكاترة قالولي مش بتمنع الحمل يبقى خلاص
بس لما شفت تجارب البنات هنا ان اللي عندها قرحه متاخرة ف الحمل قلت يبقى هيا اكيد اللي ماخرالي حملي
طبعا اخدت كميه لبوس البوتيل يمكن اكتر من خمس علب
و ربنا يصلح حالها دكتورة هنا سالتها انها مش راضيه تروح باللبوس
قالتلي ان حل القرحة المزرعه انك تعملي مزرعه و تشوفي نوع البكتريا اللي مسببه القرحة و تعالجيها
و فعلا رحت لدكتورة و من غير مقولها حاجة قالتلي اننا هنعمل مزرعة و قبل نتيجه المزرعه متطلع اصلا
اداتني كورس مضاد حيوي زيثروماكس 250 اربع كبسولات اول يوم
و 2 كبسوله لمدة خمس ايام بعدها
و الكريييييييييييييم الجميل دالاسين كريم لمدة اسبوع
و الحمد لله يا بنات انا معرفش هيا عندي و لا لا دلوقتي لاني الحمد لله حملت بعد مخلصت كورس الدوا بعدة بدورة واحدة بس
بس للاسف الحمل مكملشي و النبض وقف بس الحمد لله ان حصل حمل
ادعولي يا بنات ربنا يعوض عليا حملي و يرزقني الحمل السليم التام يارب
سما صافيا سما صافيا 833515_1.gif فتكات متميزة Fatakat 833515 مكة – السعودية