السلام عليكم ورحمه الله فتوكاتى الاعزاء زى العنوان ما بيقول الرز البسمتى الاصفر الجميل بنعمله ازاى
انا جربت كتير احط كركم وجربت الكارى وبرضه اللون عمره ما عاجبنى
ولو كترت الكركم يبقي الطعم مر وطعمه وحش قوى
المهم اقولك على سر صفار الرز مش الكركم لا هما بيحطوا لون وده اللى بيدى اللون الحلو
تروحى للعطار تقوليله عايزه لون غروب الشمس هو بيكون بودره برتقالى
بتحطى منها ربع معلقه ص على الماء او الشوربه اللى بتزودى الرز بيها
و1كوب بياخد 2كوب شوربه ده على حسب نوع الرز في رز بيكون رفيع مش بياخد كل كميه الماء دى
وطريقتى انا في الرز كالاتى
1- 3ك رز
2 – 6ك شوربه او ماء ومرق دجاج
3- جزره كبيره مبشوره رفيع
4- 3فص توم سليم
5- بصلتين متوسطين مقطعه مكعبات صغيره
6- 2 قرفه خشب -3قرنفل-4حبهان -3ورقه لورا
7- بهار ناعمه عباره عن ملح وفلفل وكمون وكسبره ورشه قرفه بسيطه بس كده
8- ربع معلقه لون غروب الشمس
نضع فى حله سمنه وزيت بسخاء ثم البهار الخشن حتى تطلع ريحه بس
ثم نضع البصل ونقلب حتى يدخل على اللون الدهبي نضع التوم ودقيقتين نضع الجزر ونقلب ثم نضع الرز ونشوحه كويس ثم البهارات الناعمه ومرقه الدجاج ثم نزود شوربه بعد لما نقلب فيها ربع معلقه لون غروب الشمس وبس كده
ونتركه يستوى والمهم نقلب بشوكه مش بمعلقه
طيب لو عايزه اللون حبه وحبه لون ولون يبقى تزودى الرز شوربه بس من غير لون وعنما يتشرب تدوبي شويه لون في شويه ماء صغيرين وتوزعى على وش الرز ولاتقلبي وغطى
ولما يستوى قلبى هتلاقيه لون ولون
متنسوش التقييم بعد اذنكوا والصور منقوله من اجل التوضيح فقط مواضيع هذا القسم برعاية
همس البحر الجورى همس البحر الجورى 1207834_1.gif فتكات متميزة Fatakat 1207834 بنها – مصر