حبيباتى الفتكاوات لكل بلد عاداتها و تقليدها فى الاكل
و الاكل الخاليجى له مذاق خاص جدا
بصراحة بين كل يوم و التانى بحب اعمل حاجة من الاكلات الخليجية تغير طعم الاكلات الروتينية اللى احنا اتعودنا عليها
المهم لو حد مهتم جدا بالاكلات الخليجية و عايز حاجة معينة حشرحهالكم
و النهاردة حديكو واصفة جميلة و سهلة لطريقة عمل
البريانى
اولا :المقادير 1- كيلو لحم بقرى
2- رز بسمتى و ممكن تعمليه بالرز المصرى بس قلليلى المية شوية .
3- بصل و ثوم ( حسب الرغبة فى الطعم )
4- البهارات و هى ( قرفة – قرنفل – حبهان ممكن نطحنه او نخليه حبوب -فلفل اسود – ورق لورا -ملح )
5- ليمون جاف ممكن تلاقيه فى محلات العطارة و لو مش لقياه ممكن نحطقشر ليمون فى الاخر و نشيله تانى
6- عصير طماطم
7- ملعقتين اكل مسحوق الكارى
ثانيا : الطريقة 1- نحط المكونات التاليه مع بعض فى صينية و تغطى بورق الفويل و تتحط فى الفرن بدرجة حرارة متوسطة
و المكونات هى : ( اللحمة – ورق اللورا – الثوم – كل البهارات اللى انا ذكرتها مع بعض ) و نحطها فى الفرن مع كبايتين ميه تقريبا ساعة .
بعد اللحمة ما تستوى نعمل الخطوة التانية
حلة و نحط فيها البصل المفروم و شوية زيت و نسيبها تتشوح بسيط
بعدها نحط الطماطم و نشوحهم مع بعض شوية
بعدها نحط اللحمة بالباقى من المرقة بتاعتها و نكمل المقدار بتاع الرز ميه و نحط مرقة جاهزة لو تحبى وبعدها نحط الرز المغسول طبعا و بس نغطى عليه لحظة و لما تبتدى تشرب المية بتاعتها ندوب معلقتين الكارى فى فجان مية صغير و بعد ما نقلب الرد خلاص نرش المية بالكارى على الرز مش بانتظام يعنى مش نوزع كل الكارى على الرز ( عشان لما نغرف الرز يكون فى جزء اصفر و جزء ابيض ) عرفتم قصدى و بعدها نحط قشر الليمون على الوش عشان بيتشال مش بيتاكل بس يدى الريحة بتاعتة و شوية مرارة ظريفة .
و بعدها نغطى الرز و نسيبة يستوى خالص
على فكرة الاكله دى تتاكل مع سلطة زبادى بس و تكون فى منتهى الجمال
و تكلوها بصحة و عافية
و ابقم قلولى عملتم ايه و رايكم ايه فى طعمها
مواضيع هذا القسم برعاية
ام سيف الدين ام سيف الدين images/flowersavatars/avatar0028.jpg سوبر فتكات Fatakat 25929 الاسكندرية – مصر