السلام عليكم ورحمة الله وبركاته
كيفكم ياقمرات
انا عملت اليوم هاد الموضوع خاص بالمبتدئات في المطبخ لانو عارفة كلكم معلمين بالمحشي بس طبعا في بنات كتير لسه بيتعلمو وانا بتذكر حالي لما بلشت اعمل المحشي جوزي جابلي 2كيلو وكنا لسه انا وهو يعني مفروض يعملو النا طبختين حفرتهم قصدي عملتهم قوارب وما طلع منهم غير 10 كوسايات وطبعا انتو عارفين وين راحو الباقي ورحت حشيتهم رز لطلع منهم وكانو وحشيين
بس طبعا هاد الحكي من 12 سنة خدو بالكو
نفوت بالموضوع
كوسا حجم صغير محفور
رز مصري
دهن الضاني ( حسب الرغبة )
بقدونس كسبرة
ثوم مهروس ناعم بصل مفروم
زيت
بهارات ملح لبن صلصة بندورة
اول حاجة…..نحفر الكوسا ونحطه بماء مملح ونصفيه علشان ميكونش حلو من جوا
تاني حاجة… نجهز الحشو طبعا نكون ناقعين الرز ومصفينو من المي تمام
نفرم البصل والثوم ناعم والبقدونس والكسبرة ونحطهم عا الرز ونضيف البهارات وانا بحط فلفل اسود وكسبرة ناشفة وهيل مطحون وملح وكركم وشوربة ماجي ونضيف عليهم الزيت تقريبا لكل كاس رز منقوع فنجان زيت ونحرك الخلطة وبهيك تكون جاهزة
نبدأ بحشو الكوسا ولازم نترك فراغ تقريبا اسم في الكوسا وما نحشيها كلها لانها رح تبوظ بعدماتستوي
خلصنا حشو كمية الكوسا انا بجيب طنجرة وبفرشها فليفلة شرايح وبرش شوية من بوقي الحشو علشان تعملي شوربة الصغار بيحبوها اكتر من المحشي وبرتب الكوسا وبضيف عليه الماء حتى اغطيه
ولو كان عندك مرقة دجاج يطلع اروع بس انﻻ ضفت حبةماجي لانو عملت الدجاج باكياس حرارية هنزلها في اخر الموضوع تحت
رفعت الطنجرة على النار ورح اعمل هسا صوص للمحشي عبارة عن لبن ( انا عندي جميد ولو مش متوفر عندك استبدلي بالزبادي علبتين ) مع ملعقتين كبا ر صلصة البندورة ونحركهم منيح ونضيفهم للكوسا بعد الغليان
واتركيه حتى يستوي وعادة المحشي بياخد نص ساعة استوا
نسيبو يستوي ونروح نعمل الدجاج باكياس حرارية في الفرن
ننظف الدحاج منيح باليمون والخل
نعمل التتبلة عبارة عن
( ثوم معصور وسماق وفلفل اسود وملعقة صلصة بندورة وخل تفاح اوعادي وزيت وبهرات دجاج )
نخلطهم ونضيفهم للدجاج ونتبل فيهم
انا قطعت بندورة وفليفلة وحطيتها معهم بتعطي نكهة وطراوة
حطيت الدجاج بالكيس وعليه كاس ماء ودخلتها الفرن ساعة الا ربع وطلعتها وحمرتها
[/font][/size][/color][/b][/i][/center][/font][/size][/color][/b][/i][/center] مواضيع هذا القسم برعاية
الزنبقة الوردية الزنبقة الوردية images/avatars/pacifier.jpg فتكات ست الكل Fatakat 793622 الخليل – روحي فلسطين