السلام عليكم
ياااااااااااارب تكونوا بصحة واحسن حاااااااال يارب
انا فى حاجة مش حقول انها مضيقانى على اد ما انا مستغربلها جدااااااااااا
اى بنت طبعا او حتى بعد ما تتجوز بيهمها انها تفضل جميلة ورقيقة وشكلها صغنطوط مهما ما تكبر
انا بئة طول عمرى الحمدلله كنت مهتمية بنفسى جداااااا وكنت متميزة فى مجالات رياضية كتير
وكان جسمى جميل جدا وشكلى الحمدلله بشهادة الناس حلو جدا
والحمدلله على كل شئ المهم بئة كمان لما كان اى حد يسالنى عن سنى وانا اقول الاقى الناس تقول استحالة دة انتى شكلك صغنطوط خالص واصغر من سنك
وكان بشهادة الناس كلها شكلى صغير عن سنى
فجأة بئة اول ما اتجوزت بلظبط حملت على طول وحملى للاسف متعب جداااااااااا شوفت ايام ما يعلم بيها الا ربنا
اتحولت لوحدة مريضة فعلا مش هزار اى اعراض حمل سمعتوا عنها جالتى بس جالتى على جامد اوووووووووووى
طبعا بلاضافة بئة للترجيع والارفة والدوخة وجالى مية فى جسمى واملاح وهبوط وانميا ووجع شديد فى المفاصل ومبقتش اقدر اتحرك اصلا
لدرجة انى بدخل الحمام بلعافية كمان واليومين دول بلاضافة لكدة بئة انتفاخ جامد وحموضة ونار مش بتنيمنى الليل
وبلرغم من كل التعب والعذاب دة وزنى زات حاجة وعشرين كيلو
من غير مبالغة فعلا زدت حاجة وعشرين كيلو وانا فى التامن دلوقتى
مع انى نفسى مسدودة عن الاكل اصلا اومال لو كانت مفتوحة كنت بقيت اية
عموما الانا عايزة اتكلم فية بئة لما ببص فى المرية بجد وانا عارفة نفسى استحالة دية هى انااااااااا
بجد شكلى اتحول لوحدة تانية
بجد مرمحى اتغيرت بس للاسف للوحش طبعا
كنت من كام شهر بس قبل ما اتجوز كنت كل الناس يقولولى يا انسة ودلوقتى شكلى باين علية مدام اوى واى حد يقولى يا مدام
وحاسة ان شكلى كبر جداااااااا وبعد ما كانت الناس كلها متصدقش سنى وتقول شكلى اصغر من سنى فدلوقتى بئة يبان اكبر من سنى
ووشى اسمر وعنية حلقت بلسواد ولو حطيت مكياج حتى مبقتش احس انة بيحلينى خالص
انا بتكلم لانى زعلانة على نفسى اوى واعتقد اى واحدة مكانى حتزعل على نفسها انا كانت فين وبقيت اية فى خلال شهور بسيطة بس
تفتكروا ان حالى حيتحسن وارجع زى ما كنت بعد الولادة ولا خلاص الانكسر مش بيتصلح وحفضل كدة
يااااااارب تريحونى وتدولى امل كدة ؟
زينة الكواكب زينة الكواكب فتكات رائعة Fatakat 639101 اسكندرية – مصر