ممكن طلب صغير قبل ما اقول الوصفة
اقرأى توقيعى وادعيلى من قلبك
الطبق:
المقادير:
لحمة ( الكمية اللى تحبيها)- بصل حلقات- خل-معلقتين زعتر مليانين – فلفل اسود-كمون- قرفة -زنجبيل -ملح-خضار مشكل(اللى تحبيه بطاطس بسلة جزر فاصوليا خضرا) وعن نفسى جبت كيس خضار مشكل اللى مكتوب عليه شوربة خضار وكام كوساية كده
الطريقة:
تنقعى اللحمة فى البصل والفلفل الاسود والزعتر والكمون والقرفة والزنجبيل والخل (5 معالق) ساعة كاملة (الملح فى الاخر عشان مش يعجز نضج اللحمة)
نسيت اقولكم (باقى التوابل كلها ماعدا الزعتر تاخدى منها شعرة حاجة بسيطة كده انما الزعتر معلقتين مبقلظين)
تحمرى الخليط كله لمده عشر دقايق فى شوية زيت عباد شمس مش كتيرلغاية ما تنزل ميته وبعدين تضيفى المية شوية بشوية صغيرين لغاية ما تقرب اللحمة على النضج وتسيبها تستوى على نار هادية خالص وتحطى الملح بالكمية المناسبة فى الاخر
تحطى الخضار ماعدا الكوسة اخر حاجة عشان بتستوى فى ثوانى…
وبعدين تحطى الكوسة وتسبيها تشرب باقى المية لغاية ما تبقى زى الصوص كده
الاكلة دى طعمها شهى ماشاء الله وريحتها روعة وكمان تنفع للدايت لانها مش فيها دهون تقريبا الا بسيط جدا ولو عايزاها دسمة شوية حطى مع اللحمة قطعة دهن من بتاع اللحمة
اختكم المخترعة مواضيع هذا القسم برعاية
قطة باكية قطة باكية 136017_4.gif فتكات ست الكل Fatakat 136017 قليل البخت – مستنية الفرج