السلام عليكم و رحمة الله و بركاته
انا جاية هنا اشجعكم و اشجع نفسي انا خلصت الجماعة السنة الي فاتت دي و عارفة المعاناة بتاعة اي بنت عندها كرش و المنطقة الي تحت مليانة و الشتا دخل و اللبس كله بيبين عيوب الجسم
انا كنت بعمل ريجيم سهل ايام الكلية و خسيت فعلا 7 كيلو و لما خلصت و جه رمضان و كدة تخنت و عايزة ارجع تاني و قولت يمكن يكون في وحدة نفسها تبدأ معايا نشجع بعض
انا مش هكتب نظام معين بس هقول شوية ملاحظات انا لما اتبعتها فعلا خسيت
1====>طبعا بتخرجي الكلية من غير فطار صح؟لو صح يبئى انتي غلض لازم تفطري عشان جسمك لما ما بيفطرش بيقل معدل الحرق و الأيض عندك و بالتالي الي بتاكليه بتخزنيه مهما كنتي بتعملي مجهود في الكلية
يبئى لازم نفطر حاجة خفيفة و ما ناكلش حاجات محمرة في الزيت و ناكل مع الفطار عيش اسمر ابعدي عن الفينو و العيش الأبيض
2===>بتاكلي شيبسي و بيبسي في الكلية و ساندتشات مع زمايلك؟
بصي انا عارفة ان في بنات مهما بياكلوا ما بيتخنوش لكن لو انتي من النوع الي بيتخن يبئى لازم تحافظى على نفسك استبدلي الشيبسي بتفاحة تكوني جايباها من البيت و لما تعطشي اشربي مية بلاش بيبسي بالله عليكي
3===>طبعا بتفضلي طول اليووم ما بتشربيش مية خصوصا في الشتا
دة غلض اووووووووي لازم تشربي مية مش اقل من لترين في اليوم و مش هقولك مواعيد انتي حرة امسكي ازازة لترين و اعدي اتسلي عليها في اي وقت هتلاقيها بتخلص
4===>لما تروحي و تيجي تتغدي قولي لمامتك انا مش عايزة حاجة محمرة في زيت و بلاش سمنة و قللي الرز و العيش و صدقيني هيفرق اووووووي
5===>ممنوع النوم بعد الغدا و لو روحتى و حسيتي نفسك عايزة تنامي يبئى نامي الأول و لما تصحى تتغدي
6===>العشا لازم يكون قبل النوم بكتيييييير و تتحركي بعده
7===>اتحركي في البيت امشي في اوضتك و امشي وانتي رايحة الكلية و انتي بتتفرجي على التليفزيون اعملى رياضة خفيفة مش كتير
8===>قللي من السكر يعني بدل كزا كوباية شاي و نسكافيه خليها مرة وحدة في اليوم
و كدة هتخسي براحة ومن غير معاناة
9===>نسيت اقولك اختاريلك يوم في الاسبوع تاكلي فيه الي نفسك فيه يعني فري
عايزة تخليها من ايام الكلية عشان تاكلي مع صحابك انتي حرة عايزاه يوم اجازتك انتي حرة
10===>و دي اهم نقطة ما تعديش تقولي لأي حد يعزم عليكي بحاجة انا بعمل ريجيم عشان هيقولولك يا شيخة كلي كلي انتي جسمك كويس يا اما ما جتش على دي ………..
قوليلهم ماليش نفس و اعتذري بطرية كويسة
انا لسة عندي نصايح كتير والله غيرت اسلوب حياتي كله و حتى لما تخنت ما تخنتش اوي لاني اتعودت على كزا حاجة و بئوا عادة عندي
الي عايزة تيجي و نشجع بعض ان دة يكون نظام حياتنا انا هكون مبسووووووطة اوي و ان شاء الله نفيد بعض
s@m@r s@m@r فتكات حبوبة Fatakat 762655 اسكندرية – مصر