فتوكاتى الحبيبات انهاردة جيبالكم طريقة لانشون جميل وموفر ونفس طعم اللانشون وبجد حيعجبكم جدا وممكن تستبدليه باللانشون ف كل حاجة ممكن تعمليه بالبيض وممكن تعملي بيه بيتزا وممكن تحشيه جوا الفراخ بدل اللانشون اللى مش عارفين هم حاطين فيه اى
واولا ادعوا لمامتى وحماتى لانهم هم اللى جربوها وقالولى وانا جربت وراهم ده اختراع من حماتى اساسا
يلا نبدا باسم الله
المقادير :
– 5 بيضات
-3 جبنة مثلثات
-نصف كوب زيت
-3 معالق كبار دقيق
-2 معالق كبار نشا ( وانا مكنش عندى نشا كتير حطيت منه معلقة واحدة وزودت معلقة دقيق عادى يعنى )
-3 فصوص توم مدقوقين
-مكعب ماجي
– التوابل بقا :
– سماق وده مهم اووووووووى لانه هو اللى بيدي لون وشكل اللانشون
وانا برده مكنش عندى حطيت صلصة عثل انا عثل هههههههههه
-خولنجان لو متوفر عندك ده برده بيفرق ف الطعم
-بهار مشكل
-بابريكا لو موجود عندك برده بتدى طعم ولون
-هيل مطحون
– ملح بسيط وفلفل
وبس يا ستى ندخل على الطريقة ولا اسهل من كده :
-نضرب كل كل المقادير في الخلاط حيديكي خليط سميك شوية
-نجيب حلة نحطها على النار لحد ما الميا تغلي فيها بس مش تغلى اوى تبقى زي كانها منملة كده شبه النمل يارب الصورة توضحها زى كده
وتجيبي بقا اللى عندك من دول وتحطي فيه الخليط ده بالراحة
-كيس الاكل الحرارى وممكن تعمليه زى شكل الرول بتاع اللانشون وتلفيه كويس
-او نايلون تغليف الاكل وممكن تعمليه زى شكل الرول بتاع اللانشون وتلفيه كويس برده
-او اى حاجة استانلس ماما عملتها بكوبايات استانلس وحطتها جوا الحلة
-انا الحمدلله مكنش عندى كل ده هههههههههههه فحطيتها ف حلة جوا حلة الميا
بس لو حتحطيها فحاجة استانلس تدهنيها الاول زيت وقيق وبعدين تحطى الخليط
وبس يا ستى ادى شكل حلتيني الغاليين
وبعدين يقعد على نار هادية جدا لمدة ساعة او ساعة وربع انتى اختبرية زي ما بتختبرى الكيكة بخلة او سكينة لو طلعت نظيفة منغير عجين يبقى استوى
وقطعيها بقا وادعيلي بالف هنا وشفا وده شكله بعد السوى
يارب يعجبكم يارب واللى يعجبها الطريقة مش عاوزة اكتر من دعوة حلوة ربنا يتم حملى على خير ويباركلى في زوجي وابنى ويحفظهم من كل سوء يارب ويصلح حالنا يارب ده طبعالا غير الرد والتقييم اصل انا قنوعه جدا ومبطلبش كتير ابدااااااااااااا
واللى مش حتقيم مش لازم اقولكم حعمل فيها اى 
تسلمولي يا احلى فتوكات فى اجمل مدونة فى الدنيا
مواضيع هذا القسم برعاية
ya 7abeby ya allah ya 7abeby ya allah 176460_1.gif فتكات رائعة Fatakat 176460 المدينة المنورة – السعودية