السلام عليكم ورحمة الله وبركاته بجد بجد انتو صحبة صالحة ربنا يجمعنا مع بعض في الجنة ان شاء الله
هادخل في الموضوع على طول انا عندى 27 سنة بعد ما انجبت بنتي رجليا بقت بتوجعنى جدا لما اصحى من النوم ما كنتش بقدر احط رجلى على الارض لما كشفت وحللت لقيت نسبة اليوريك اسيد عاليا وطبعا كشفت عظام والدكتور ادانى فوار وبرشام ولما بحثت على النت لقيت ان ارتفاع نسبة اليوريك اسيد بيكون سببه الكلى مش العظام وبقيت اخد اعشاب طبيعية ومغلى بقدونس واشرب كميات مية كتيييييييييييييير علشان الكلى ترجع تنشط وتشتغل زى الاول انا طبعا دلوقتي احسن من الاول اتحسنت شوية وبقدر امشى على رجلى لما اصحى من النوم وحللت لقيت ان اليوريك اسيد مرتفع درجة واحدة بس لكن انا عايزة اسأل كل واحدة مرت بالتجربة دى هل ارتفاع اليوريك اسيد دا مرض مزمن زى السكر والضغط يعنى مش هايمشي ابدا ولا ممكن علاجه وكل واحدة تحكيلي تجربتها بتتعامل ازاى معاه الله يخليكم طمنونى لحسن نفسيتي زفتتتتتتتتتتتتتتتتت وحاسة انى خلاص كبرت وعجزت وخايفة لحس يحصل مضاعفات زى اللى قريتها على النت زى الفشل الكلوى لا قدر الله او النقرس طمنونى لحسن انا من كتر الخوف مش بنام الليل
مجنونة بنتها مجنونة بنتها فتكات حبوبة Fatakat 612876 مصر – القاهرة
سبحان الله و بحمده